ஹேப்பி நியூ இயர் ரிலீஸுக்கு முன்பே ரூ.200 கோடி லாபம் பெற ஷாருக்கானின் 'ஜகஜால' திட்டம்

விளம்பரம்

ஹேப்பி நியூ இயர் படத்தை விளம்பரப்படுத்த வெளிநாடுகள் மற்றும் இந்தியாவில் பிரமாண்டமான டான்ஸ் நிகழ்ச்சிகளை நடத்த ஷாருக்கான் திட்டமிட்டுள்ளார். அதற்கான வேலையிலும் இறங்கிவிட்டார்.

தீபிகா

டான்ஸ் நிகழ்ச்சிகளில் ஹேப்பி நியூ இயர் படத்தில் நடிக்கும் நட்சத்திரங்கள் கலந்து கொள்கிறார்கள். இதற்காக அவர்களுக்கு கூடுதல் சம்பளம் தர ஷாருக்கான் முன்வந்துள்ளார்.

அமெரிக்கா

அமெரிக்கா, இங்கிலாந்து, கனடா என்று தனக்கு ரசிகர்கள் அதிகம் உள்ள நாடுகளில் ஷாருக்கான் இந்த டான்ஸ் நிகழ்ச்சியை நடத்துகிறார். மேலும் சில நாடுகளிலும் நிகழ்ச்சியை நடத்த திட்டமிட்டுள்ளார்.

ரூ.200 கோடி

25 முதல் 30 டான்ஸ் நிகழ்ச்சிகளை அவர் நடத்தவிருக்கிறார். ஒவ்வொரு நிகழ்ச்சி மூலமும் ரூ.7 கோடி வருமானம் கிடைக்குமாம். அப்படி என்றால் படம் ரிலீஸாவதற்குள் ரூ.200 கோடி லாபம் பார்த்துவிடுவார்.

மாத்தி யோசி

பொதுவாக படங்களை விளம்பரம்படுத்த அதில் நடித்த நடிகர், நடிகைகள் தொலைக்காட்சி நிகழ்ச்சிகளில் கலந்து கொள்வார்கள். மேலும் பெரிய நகரங்களில் உள்ள ஷாப்பிங் மால்களில் ரசிகர்களை சந்திப்பார்கள். ஆனால் ஷாருக்கானோ மாத்தி யோசித்துள்ளார்.