Click it and Unblock the Notifications
ஐஐஎப்ஏவில் அண்ணாத்த ஆடுறார், அப்படி போடு பாடல்களுக்கு ஆடும் ஷாஹித்
சர்வதேச இந்தியத் திரைப்பட விருது வழங்கும் விழா சிங்கப்பூரில் வரும் ஜூன் 7ம் தேதி நடக்கிறது. இதில் பாலிவுட் நடிகர் ஷாஹித் கபூர் உலக நாயகன் கமல் ஹாசன் 3 ரோல்களில் கலக்கிய அபூர்வ சகோதரர்கள் படத்தில் வரும் அண்ணாத்த ஆடுறார் ஒத்திக்கோ பாடல், இளைய தளபதி விஜயின் கில்லி படத்தில் வரும் அப்படி போடு பாடல் உள்பட 4 பாடல்களுக்கு டான்ஸ் ஆடுகிறார்.
டான்ஸ் ஆடுவது ஷாஹித்துக்கு ஒன்றும் பெரிய கஷ்டம் எல்லாம் கிடையாது. ஆனால் இந்த விழாவில் கமல் ஹாசன் கலந்து கொள்கிறார். அதனால் அவர் ஆடிய பாடலுக்கு தான் சிறப்பாக ஆடி அவரை இம்ப்ரஸ் பண்ண வேண்டுமே என்று கடுமையாக நடன பயிற்சி செய்து வருகிறாராம் ஷாஹித். வாரத்திற்கு 2 முதல் 4 முறை நடனப் பயிற்சி செய்கிறாராம். கமல் நடிப்புக்கு மட்டுமல்ல நடனத்திற்கும் பெயர் போனவர் என்பது அனைவரும் அறிந்ததே. அதனால் ஷாஹித் எப்படி ஆடப் போகிறோமோ என்று ஒரே டென்ஷனாக இருக்கிறாராம்.
கமல ஹாசனின் விஸ்வரூபம் இந்த விழாவில் திரையிடப்படவுள்ளது என்பது குறிப்பிடத்தக்கது.
Continue with Google