விமான விபத்தில் நடிகர் ஷாருக்கான் மரணம்: தீயாக பரவிய வதந்தியால் பரபரப்பு

மரணம்

பாரீஸில் தனது உதவியாளர்களுடன் ஷாருக்கான் தனி விமானத்தில் பயணம் செய்தார். விமானம் தரையில் விழுந்து நொறுங்கியதில் அவர் பலியானார் என்ற வதந்தி தீயாக பரவியது.

ஷாருக்கான்

ஷாருக்கான் பயணம் செய்த விமானத்தின் எண், நிறுவனத்தின் பெயர் எல்லாம் குறிப்பிட்டிருந்ததால் பலர் அது உண்மையோ என நினைத்து கவலை அடைந்தனர்.

நலம்

ஷாருக்கானுக்கு எதுவும் ஆகவில்லை. அவர் நலமாக உள்ளார் என்று அறிவிக்கப்பட்டுள்ளது. பாலிவுட் பிரபலங்களை பற்றி மரண வதந்தி பரவுவது இது ஒன்றும் முதல் முறை அல்ல.

ஐஸ்வர்யா ராய்

திருமண வாழ்க்கை கசந்து போனதால் ஐஸ்வர்யா ராய் தற்கொலை செய்து கொண்டார் என்று முன்பு வதந்தி பரவியது. பின்னர் ரன்பிர் கபூருடன் சேர்ந்து எடுத்த புகைப்படங்களால் வீட்டில் பிரச்சனை ஏற்பட்டு ஐஸ்வர்யா தற்கொலை செய்து கொண்டார் என்ற வதந்தி பரவியது. ஐஸ்வர்யாவின் மாமனார் அமிதாப் பச்சன் இறந்ததாக கூட வதந்தி பரவியிருக்கிறது என்பது குறிப்பிடத்தக்கது.