அப்படியே நம்ம பெரிய ஐயாதான்.. சிக்மாவில் விஜய் மகன் ஜேசன் சஞ்சய் நடனம்.. ஆனந்த கண்ணீரில் ரசிகர்கள்

சென்னை: விஜய்யின் மகன் ஜேசன் சஞ்சய் இயக்கியிருக்கும் சிக்மா திரைப்படம் ஜூலை 31ஆம் தேதி ரிலீஸாகவிருக்கிறது. ஜேசனின் முதல் படம் இது என்பதால் பெரிய எதிர்பார்ப்பை ரசிகர்கள் வைத்திருக்கிறார்கள். சந்தீப் கிஷன் ஹீரோவாக நடித்திருக்கிறார். இந்நிலையில் படத்திலிருந்து முதல் சிங்கிள் நேற்று வெளியானது. அந்தப் பாடலில் ஜேசனும் நடனம் ஆடியிருந்தார் என்பது குறிப்பிடத்தக்கது

வெளிநாட்டில் சினிமா இயக்கம் மற்றும் எடிட்டிங் தொடர்பான படிப்பை படித்தவர் விஜய்யின் மகன் ஜேசன் சஞ்சய். படிக்கும்போதே சில குறும்படங்களையும் இயக்கி கவனம் ஈர்த்திருக்கிறாராம். அவருக்கு லைகா பேனரில் படம் இயக்கும் வாய்ப்பு கிடைத்தது. அதன்படி படத்துக்கு சிக்மா என்று பெயர் வைக்கப்பட்டுள்ளது. இதில் சந்தீப் கிஷன் ஹீரோவாக நடிக்க; ராஜு சுந்தரம் உள்ளிட்டோர் முக்கியமான வேடத்தை ஏற்றிருக்கிறார்கள்.

Photo Credit:

Lyca

வெற்றி பெறுவாரா ஜேசன்?: ஜேசனின் இப்போதைய மனநிலைமை எந்த மகனுக்கும் வரக்கூடாதது. ஏனெனில் விஜய்யும், சங்கீதாவும் விவாகரத்து செய்து விரைவில் பிரியவிருக்கிறார்கள். இவரோ முழுக்க முழுக்க தன் தாய் பக்கம்தான் நிற்கிறார். படம் இயக்கும் வாய்ப்பையே சங்கீதா தரப்பு வாங்கி கொடுத்ததாகவும்; விஜய் எதுவுமே செய்யவில்லை; ஒரு வாழ்த்துகூட சொல்லவில்லை என பலரும் வருத்தப்படுகிறார்கள். மேலும் இதற்காகவாவது அவர் இந்தப் படத்தில் வெற்றியடைய வேண்டும் என பேச்சு எழுந்துள்ளது.

Also Read

விஜய்யுடன் முதல் சந்திப்பு.. தோளில் கை வைத்த சி.எம்.. மயங்கி அவர் மீதே விழுந்த குஷ்பு மகள்!

எப்போது ரிலீஸ்?: படமானது ஜூலை 31ஆம் தேதி ரிலீஸாகவிருக்கிறது. படத்தின் கதையை பொறுத்தவரை பணத்தை ஒரு கும்பல் கொள்ளையடிப்பதுதான் ஒன் லைன் என தெரிகிறது. இந்த ஜானர் படங்களுக்கு எப்போதுமே ரசிகர்களிடம் டிமாண்ட் இருக்கும் என்பதும் கவனிக்கத்தக்கது. ஜேசனின் வொர்க்கிங் ஸ்டைலும் பல படங்களை இயக்கியவர் போல் இருப்பதாக உடன் பணியாற்றியவர்கள் கூறுகிறார்கள்.

முதல் சிங்கிள் ரிலீஸ்: படத்துக்கு தமன் இசையமைத்திருக்கிறார். படத்திலிருந்து சிக்மா யங் மேன் என்ற பாடல் நேற்று வெளியானது. அதில் சந்தீப் கிஷன் உள்ளிட்டோர் தோன்றி நடனம் ஆடினார்கள். யாரும் எதிர்பார்க்காத சர்ப்ரைஸாக ஜேசன் சஞ்சய்யும் பாடலில் அட்டகாசமான நடனத்தை வெளிப்படுத்தியிருக்கிறார். முக்கியமாக அவரது நடனத்தை பார்க்கையில் வின்டேஜ் விஜய்யை பார்த்தது மாதி இருப்பதாக கமெண்ட்ஸ் செய்துவருகிறார்கள்.

பறக்கும் மீம்ஸ்: அதுமட்டுமின்றி ஏகப்பட்ட மீம்ஸ்களும் பறந்துவருகின்றன. சண்டகோழி திரைப்படத்தில் விஷாலின் சண்டையை பார்த்து ராஜ்கிரணிடம் முதியவர் சொல்லும், 'அப்படியே நம்ம பெரிய ஐயாவ பார்த்த மாதிரி இருந்துச்சு' என சொல்லும் காட்சியை; ஜேசன் சஞ்சய்யை விஷாலாகவும், ராஜ் கிரணை விஜய்யாகவும் சித்தரித்து மீம்ஸ்களை பதிவிட்டுவருகிறார்கள். அவை அனைத்துமே சோஷியல் மீடியாவில் சென்சேஷனல் ஆகியிருக்கின்றன.