முதல் முறையாக பெண் வேஷம் போடும் சிவகார்த்திகேயன்!

ஹீரோக்கள், காமெடியன்கள் வளர வளர.. ஒரு முக்கியமான கெட்டப்பில் தோன்றுவார்கள். அது பெண் வேஷம்.

அமிதாப் பச்சன், ரஜினிகாந்த், வடிவேலு இப்படி பல நடிகர்கள் தங்களது படங்களில் ஒரு காட்சியிலாவது பெண் வேடத்தில் எட்டிப்பார்ப்பார்கள். அதுவும் வடிவேலு தனது லேட்டஸ்ட் ரிலீசான எலி வரை அதைத் தொடர்கிறார்.

இப்போது அந்த பாணியை நடிகர் சிவகார்த்திகேயனும் பின்பற்ற ஆரம்பித்துள்ளார். இதுவரை 9 படங்களில் நடித்துள்ள சிவகார்த்திகேயன், தனது பத்தாவது படத்தில் பெண் வேடத்தில் நடிக்கிறார்.

இந்தப் படத்தை அட்லியின் உதவியாளர் பாக்யராஜ் இயக்கப் போகிறார்.

ஹாலிவுட்டிலிருந்து ஸ்பெஷல் மேக்கப்மேனாக சீன் புட் என்பவரை வரவழைத்து சிவகார்த்திகேயனுக்கு மேக்கப் போடப் போகிறார்களாம். 'லார்ட் ஆப் தி ரிங்ஸ்' போன்ற மெகா படங்களுக்கு மேக்கப் மேனாகப் பணியாற்றியவர் இந்த சீன் புட்.

படம் குறித்து ரஜினிமுருகன் ரிலீசுக்குப் பிறகு மீடியாவுக்கு தெரிவிக்கும் திட்டத்தில் உள்ளார்களாம்.