Click it and Unblock the Notifications
அமரன் வெற்றி விழா.. கமல் ஹாசனுக்கு புது பட்டம் கொடுத்த சிவகார்த்திகேயன்.. இதுவும் நல்லாத்தான் இருக்கு
சென்னை: கமல் ஹாசன் நடிப்பில் கடைசியாக இந்தியன் 2 திரைப்படம் வெளியாகி மோசமான விமர்சனத்தை பெற்றது. அடுத்ததாக மணிரத்னம் இயக்கத்தில் தக் லைஃப் படத்தில் நடித்து முடித்திருக்கிறார். இந்தப் படத்துக்கு பிறகு அன்பறிவ் இயக்கத்தில் ஒரு படத்தில் நடிக்கும் அவர் திரைப்படங்கள் தயாரிப்பிலும் பிஸியாக இருக்கிறார். அந்தவகையில் அவர் சிவகார்த்திகேயனை ஹீரோவாக வைத்து அமரன் படத்தை தயாரித்திருந்தார். படம் மிகப்பெரிய வெற்றியை பெற்றது.
சினிமாவில் சிறு வயதிலிருந்தே நடித்துவருபவர் கமல் ஹாசன். களத்தூர் கண்ணம்மாவில் தொடங்கிய அவரது திரை பயணம் உதவி நடன இயக்குநர், நடிகர், இயக்குநர், தயாரிப்பாளர், பாடலாசிரியர் என பல ப்ளாட்பார்ம்களில் தொடர்ந்துகொண்டிருக்கிறது. இடையில் அவர் அரசியலில் கவனம் செலுத்தி தன் மக்கள் நீதி மய்யம் கட்சியை தொடங்கினார். ஆனால் அரசியலில் அவர் எதிர்பார்த்த இடம் அவருக்கு கிடைக்கவில்லை. அதனைத் தொடர்ந்து தனது தீவிர ரசிகரான லோகேஷ் கனகராஜ் இயக்கத்தில் விக்ரம் படத்தில் ரீ என்ட்ரி கொடுத்தார்.
செம கம்பேக்: நீண்ட வருடங்கள் கழித்து கமல் ஹாசன் நடித்ததாலும்; லோகேஷ் கனகராஜின் இயக்கம் என்பதாலும் படத்தின் மீது உச்சக்கட்ட எதிர்பார்ப்பு நிலவியது. அந்த எதிர்பார்ப்பை படம் முழுவதுமாக பூர்த்தி செய்தது என்றும்; கமல் ஹாசன் நெருப்பு போல் ஸ்க்ரீனில் இருந்ததாகவும் அவரது ரசிகர்கள் உற்சாகமடைந்தனர். மேலும் படமும் விமர்சன ரீதியாக கொஞ்சம் நெகட்டிவ்வை சந்தித்தாலும் வசூல் ரீதியாக செம பாசிட்டிவ்வை பெற்றது. உலகம் முழுவதும் 400 கோடி ரூபாய்வரை வசூல் செய்தது.
இந்தியன் 2 மோசம்: விக்ரம் படத்துக்கு பிறகு ஷங்கர் இயக்கத்தில் இந்தியன் 2 படத்தில் நடித்தார். ஆனால் அந்தப் படம் படுதோல்வியை சந்தித்தது. தோல்வியை மட்டும் சந்தித்திருந்தால் பரவாயில்லை; ரொம்பவே மோசமான ட்ரோலை சந்தித்துவிட்டதே என்று அவரது ரசிகர்கள் சோகத்தின் உச்சத்துக்கு சென்றனர். அதுமட்டுமின்றி அந்தப் படத்தின் மூன்றாவது பாகமும் உருவாகியிருப்பது குறிப்பிடத்தக்கது. எனவே அந்த பாகமாவது நன்றாக இருக்குமா என்ற எதிர்பார்த்திருக்கிறார்கள் உலக நாயகனின் ரசிகர்கள்.
வரிசையாக படங்கள்: இதற்கிடையே மணிரத்னத்துடன் தக் லைஃப் படத்தில் இணைந்திருக்கிறார் கமல். இந்தப் படத்தின் ஷூட்டிங் முடிவடைந்துவிட்டதாக கூறப்படுகிறது. இதில் கமலுடன் சிம்பு, திரிஷா, விருமாண்டி அபிராமி உள்ளிட்டோர் நடித்திருக்கிறார்கள். படம் இந்த வருடம் ஜூன் மாதம் ரிலீஸாகவிருக்கிறது. இந்தப் படத்தை முடித்துவிட்டு ஸ்டண்ட் மாஸ்டர்ஸ் அன்பறிவ் இயக்கத்தில் நடிக்கவிருக்கிறார் கமல். மேலும் திரைப்படங்களை தயாரிப்பதிலும் கவனம் செலுத்திவரும் அவர் கடைசியாக அமரன் படத்தை தயாரித்திருந்தார்.
விண்வெளி நாயகன்: அமரன் திரைப்படம் மிகப்பெரிய வெற்றி பெற்றது. திரையரங்குகளில் 100 நாட்கள் ஓடியதையொட்டி நேற்று அமரன் வெற்றி விழா நடந்தது. இதில் பேசிய சிவகார்த்திகேயன், "உலக நாயகன் என்று தன்னை அழைக்காதீர்கள் என கமல் ஹாசன் கூறிவிட்டார். அதேசமயம் மணிரத்னம் இயக்கத்தில் கமல் நடிப்பில் உருவாகியிருக்கும் தக் லைஃப் படத்தின் டீசரில் விண்வெளி நாயகன் என்று குறிப்பிட்டிருந்தார். எனவே கமலை நாம் ஏன் உலக நாயகன் என்று சுருக்கிக்கொள்ள வேண்டும்; விண்வெளி நாயகன் என்ற பெயர் சரியாக இருக்கும்" என்றார்.
Continue with Google