'எஸ்.ஆர்.கே' பெயரை டிரேட்மார்க் செய்த ஷாருக்கான்!

By Mayura Akilan

Published: Monday, October 22, 2012, 9:14 [IST]

உற்பத்திப்பொருளுக்கும், நம்முடைய தயாரிப்பை யாரும் காப்பி அடித்துவிடக்கூடாது என்பதற்காகவும் தான் டிரேட் மார்க் பதிவு செய்யப்பட்டது. இப்போது தன்னுடைய பெயருக்கு டிரேட்மார்க் கோரி பதிவு செய்துள்ளார் ஷாருக்கான். தன்னுடைய இன்சியலை தன் அனுமதியில்லாமல் யாரும் உபயோகப் படுத்தக்கூடாது என்பதற்காகவே டிரேட் மார்க் அனுமதி கோரி ஷாருக்கான் விண்ணப்பித்துள்ளாராம்.

பாலிவுட் உலகில் எஸ்.ஆர்.கே என்றால் பிரபலம். அது ஷாருக்கின் தனி அடையாளம். கடந்த சில ஆண்டுகளாக பிரபல பிராண்டுகளின் பெயர்களுக்கு டிரேட்மார்க் அனுமதி, அளிக்கப்படுகிறது. அதேபோல் தனது 'எஸ்.ஆர்.கே' என்ற இனிசியலுக்கு காப்புரிமை கேட்டிருக்கிறார் ஷாருக்கான். இதேபோல இன்ஷியலுக்கு அனுமதி கேட்டுள்ள மற்றொரு பிரபலம் சச்சின் டெண்டுல்கர். 'எஸ்.ஆர்.டி' என்ற பெயரை டிரேட்மார்க் ஆக மாற்ற விண்ணப்பித்துள்ளாராம்.

ஏற்கனவே ரோஜர் பெடரர், மைக்கேல் ஜோர்டன், ஜெனிபர் லோபஸ் ஆகியோரின் பெயர்களுக்கு டிரேட்மார்க் செய்யப்பட்டுள்ளது என்பது குறிப்பிடத்தக்கது.