உடல் உறுப்பு தானம் செய்த சூர்யா!

சூர்யா தனது உடல் உறுப்புகளை தானம் செய்வதாக அறிவித்துள்ளார்.

தற்போதெல்லாம் நடிகர், நடிகைகள் பலர் தங்களது உடல் உறுப்புகளை தானம் செய்ய முன்வருகிறார்கள். அந்த வகையில் முதன்முதலில் உடல் உறுப்பு தானத்தை அறிவித்தவர் ரஜினி. அவர் தன் கண்களை எப்போதோ தானமாகக் கொடுக்க உறுதிப் பத்திரம் அளித்துவிட்டார்.

அடுத்து தன் உடல் முழுவதையுமே தானமாகக் கொடுத்துவிட்டவர் கமல் ஹாஸன்.

இவர்கள் வழியில் சரத்குமார், விஜய், சினேகா, த்ரிஷா உட்பட பலர் தங்களது உடல் உறுப்புகளை தானம் செய்வதாக ஏற்கெனவே ஒப்புதல் அளித்துள்ளனர்.

சில மாதங்களுக்கு முன்பு கூட நடிகை அசின் தனது உடல் உறுப்புகளை தானம் செய்ய முன்வந்ததோடு அதற்கான உறுதி மொழி பத்திரத்திலும் கையெழுத்திட்டார். இப்போது அவரைத் தொடர்ந்து நடிகர் சூர்யாவும் உடல் உறுப்புகளை தானம் செய்வதாக அறிவித்திருக்கிறார்.

கடந்த 2013ல் வெளியான சென்னையில் ஒரு நாள் என்ற படத்தின் இறுதியில் தோன்றும் சூர்யா அதில் உடல் உறுப்பு தானத்தின் முக்கியத்துவத்தை பற்றி பேசுவார். தற்போது அது வெறும் பேச்சல்ல என்பதை உடல் தானம் செய்து நிரூபித்திருக்கிறார். வெல்டன் சூர்யா!