அதாரு..அதாரு.. உதாரு.. உதாரு... தல அதிரடி ஓபனிங்

அதாரு... அதாரு

விக்னேஷ் சிவா தனது ஸ்டைலில்"அதாரு..அதாரு.. உதாரு..உதாரு.." என பாஸ்ட் பீட் பாடல் ஒன்றை எழுதி தர ஹாரிஸ் ஜெயராஜ் இசையில் அந்த பாடலை அற்புதமாக படமாக்கியும் வந்துவிட்டார் கௌதம் மேனன்.

ஓபனிங் பாடல்

கௌதம் வாசுதேவ மேனன் நடிகர்களுக்கு ஓபனிங் பாடல் வைப்பதில் விருப்பமுடையவர் இல்லை. கமலின் தீவிர ரசிகர் என்பதால் வேட்டையாட விளையாடு படத்தில் கற்க கற்க எனத் தொடங்கும் அட்டகாசமான ஓபனிங் பாடலை வைத்தார்.

அஜீத்துக்கு ஓபனிங்

அதேபோல அஜீத்தை வைத்து இயக்கும் படத்திலும் ஒரு ஓபனிங் பாடலை வைத்துள்ளார். அதாரு அதாரு... உதாரு உதாரு... எனத்தொடங்கும் இந்தப் பாடலை வேட்டையாடு விளையாடு மாதிரி வித்தியாசமாகவும், சிறப்பாகவும் எடுத்துள்ளாராம் கௌதம். படத்தில் இந்த அறிமுகப்பாடல் ஹைலைட்டாக இருக்கும் என்கிறார்கள்.

சென்னை நகரில்

அதாரு உதாரு பாடலை சென்னையின் முக்கியமான தெருக்களில் படமாக்கினார் கௌதம். அஜீத், அருண் விஜய் ஆடிப்பாடிய இந்தப் பாடலுக்கான நடனத்தை அமைத்தவர் சதீஷ். அதாரு உதாரு பாடல் சிறப்பா முடிந்துள்ளது என்று சதீஷ் சமூக வலைத்தளத்தில் குறிப்பிட்டுள்ளார்.

படத்தோட பேரு என்னப்பா?

அனுஷ்கா, த்ரிஷா ஹீரோயினாக நடிக்கும் இந்தப் படத்துக்கு கௌதம் இன்னும் பெயர் வைக்காமலிருக்கிறார் கௌதம் வாசுதேவ் மேனன். ஓபனிங் பாட்டெல்லாம் இருக்கட்டும் படத்தோட பேரை முதல்ல சொல்லுங்கப்பா என்கின்றனர் தல ரசிகர்கள்.