முகப்பு

ஹீரோ

மும்பை: 2012-2013ம் நிதியாண்டில் பாலிவுட்டிலேயே அமிதாப் பச்சன் தான் அதிக அளவில் வரி செலுத்தியுள்ளார்.

பாலிவுட் நடிகர் அமிதாப் பச்சன் படங்கள் தவிர்த்து ஏராளமான விளம்பரப் படங்களில் நடித்து வருகிறார். இந்நிலையில் 2012-2013ம் நிதியாண்டில் மும்பையில் அதிகமாக வருமான வரி கட்டிய பாலிவுட் பிரபலம் என்றால் அது அமிதாப் பச்சன் தான். அவர் ரூ.25 கோடி வரி கட்டியுள்ளார்.

நடப்பு நிதியாண்டையும் சேர்த்தால் அவர் ரூ. 37 கோடி வரியாக கட்டுவார் என்று கணக்கிடப்பட்டுள்ளது. இந்நிலையில் மும்பையில் உள்ள வருமான வரித்துறை அதிகாரிகள் அமிதாப் பச்சனை சந்தித்து அதிகமாக வரி கட்டியவராக இருப்பதற்காக பாராட்டினர்.

பச்சன் குடும்பம்(அபிஷேக் பச்சன் மற்றும் ஐஸ்வர்யா ராய் பச்சன்) ரூ.53.81 கோடி வரி செலுத்தியுள்ளனர். இதையடுத்து கடந்த மார்ச் மாதத்துடன் முடிந்த நிதியாண்டில் அதிகம் வரி செலுத்தியவர்களில் ஒருவராக பச்சன் குடும்பம் உள்ளது என்பது குறிப்பிடத்தக்கது.