அதிரடி காட்டும் அருண் விஜய்யின் ‘வா டீல்‘… டீசர் ரிலீஸ் !

வா டீல்

இயக்குனர் ரத்னா சிவா இயக்கத்தில் 2012ம்ஆண்டு தயாரான திரைப்படம் வா டீல். இத்திரைப்படம் 2015ம் ஆண்டு திரைக்கு வரும் என்று எதிர்பார்க்கப்பட்டது. இந்த திரைப்படத்தை ஒடிடியில் வெளியிட பல கட்ட பேச்சுவார்த்தைகள் நடைபெற்றன. இருப்பினும் இத்திரைப்படம் ஓடிடியில் வெளியாகவில்லை.

தீபாவளிக்கு ரிலீஸ்

இந்நிலையில் இத்திரைப்படம் தீபாவளிக்கு நவம்பர் 4ந் தேதி வெளியாக உள்ளது. தீபாவளிக்கு ரஜினிகாந்தின் அண்ணாத்த ,சிம்புவின் மாநாடு திரைப்படம் வெளியாக உள்ள நிலையில் இத்திரைப்படமும் தீபாவளிக்கு வெளியாக உள்ளது. நீண்ட ஆண்டுகளாக கிடப்பில் இருந்த இத்திரைப்படம் வெளியாவது ரசிகர்களை மகிழ்ச்சியில் ஆழ்த்தியுள்ளது.

வா டீல் டீசர் ரிலீஸ்

இந்நிலையில், இத்திரைப்படத்தின் டிரைலர் வெளியாகி உள்ளது. அதில் லைஃப்ல ஜெயிக்கனும்னா பிரண்ஷ் வேணும்....ஜெயிச்சிக்கிட்டே இருக்கணும்னா எதிரி வேணும் என்ற வசனம் டீசரில் இடம் பெற்றுள்ளது. கார்த்திகா நாயரை காதலிக்கும் அருண்விஜய் அவருக்காக ஒரு பெரிய ரிஸ்கை எடுப்பது போல டீசரில் காட்சிகள் இடம் பெற்றுள்ளன. டீசரில் தமனின் இசை பட்டையை கிளப்பி உள்ளது.

Recommended Video

Kannamma Ennamma Music audio Launch Event | Sam Vishal, Rio Raj Pavitha

யானை படத்தில்

அருண்விஜய் ஹரி இயக்கத்தில் உருவாகிவரும் யானை திரைப்படத்தில் நடித்து வருகிறார். இந்தப் படத்தில் அருண் விஜய்க்கு ஜோடியாக பிரியா பவானி சங்கர் நடிக்கிறார். சமுத்திரக்கனி, ராதிகா சரத்குமார், ராஜேஷ், போஸ் வெங்கட், யோகி பாபு, இமான் அண்ணாச்சி, கே.ஜி.எப். புகழ் கருடா ராம், ஐஸ்வர்யா, ரமா ஆகியோரும் முக்கிய கதாபாத்திரங்களில் நடிக்கிறார்கள்.

பல படங்கள்

ஓ மை டாக், அக்னி சிறகுகள்,பார்டர், பாக்சர், சினம் போன்ற திரைப்படங்களை கையில் வைத்துள்ளார். இதில்,பார்டர் திரைப்படத்தின் டிரைலர் சமீபத்தில் வெளியாகி பெரும் வரவேற்பை பெற்றது. இத்திரைப்படத்தில், ரெஜினா அருண்விஜய்க்கு ஜோடியாக நடித்துள்ளார். மேலும் இப்படத்திற்கு சாம் சி.எஸ் இசையமைத்துள்ளார்.