மனைவி, பிள்ளைகளுடன் மாமியார் வீட்டில் பிறந்த நாள் கொண்டாடிய விஜய்!

சமீப காலமாய் தனது ரசிகர்களுடன் பிறந்த நாளைக் கொண்டாடி, நலத்திட்ட உதவிகள் வழங்கி, பிரியாணி விருந்து அளித்து வந்த நடிகர் விஜய், இந்த ஆண்டு சென்னையிலேயே இல்லை.

குடும்பத்துடன் லண்டனுக்குப் பறந்துவிட்ட விஜய், அங்கு தன் மாமியார் வீட்டில் மனைவி, குழந்தைகளுடன் பிறந்த நாளைக் கொண்டாடினார்.

புலி படப்பிடிப்பை முடித்த கையோடு லண்டனுக்கு குடும்பத்துடன் பறந்த விஜய், சுற்றுலாவை முடித்துக் கொண்டு இன்று பிறந்த நாளைக் கொண்டாடினார்.

விஜய் இங்கே இல்லாவிட்டாலும் அவரது ரசிகர்கள் தமிழகமெங்கும் பிறந்த நாள் கொண்டாட்டங்களை நடத்தினர்.

விஜய் மக்கள் இயக்கம் சார்பில் பல்வேறு நலத்திட்ட உதவிகள் வழங்கினர்.

விஜய்யின் பிறந்த நாளை முன்னிட்டு, தமிழ், தெலுங்கு, இந்தி, மலையாளம் என அனைத்து மொழிகளிலும் உள்ள சினிமா நட்சத்திரங்கள் பலரும் அவருக்கு பிறந்தநாள் வாழ்த்துக்களை தெரிவித்தனர்.