இது தான் அதுவா, தெரியாமப் போச்சே: கவலையில் விஜய் சேதுபதி

22 ஃபீமேல் கோட்டயம்

மலையாளத்தில் வெளியான 22 ஃபீமேல் கோட்டயம் படத்தை பார்த்த விஜய் சேதுபதிக்கு அது மிகவும் பிடித்துவிட்டது. தமிழில் யாராவது அதை ரீமேக் செய்தால் அதில் நிச்சயம் தான் நடிக்க வேண்டும் என்று விரும்பினார்.

மாலினி 22 பாளைங்கோட்டை

நடிகை ஸ்ரீப்ரியா 22 ஃபீமேல் கோட்டயம் படத்தை மாலினி 22 பாளையங்கோட்டை என்ற பெயரில் தமிழில் ரீமேக் செய்து வருகிறார். இந்த படத்தில் புதுமுகம் க்ரிஷ் நாயகனாக நடிக்கிறார். நாயகியாக நித்யா மேனன் நடிக்கிறார்.

தெரியாமல் போச்சே

22 ஃபீமேல் கோட்டயம் படத்தின் ரீமேக் தான் மாலினி 22 பாளையங்கோட்டை என்று எனக்கு தெரியாமல் போயிற்று. இது தெரிந்திருந்தால் ஸ்ரீப்ரியா மேடத்தை சந்தித்து வாய்ப்பு கேட்டிருப்பேனே என்று புலம்புகிறாராம் விஜய் சேதுபதி.

நெகடிவ்

படத்தில் ஹீரோவுக்கு நெகடிவ் கதாபாத்திரம் அதனால் யாரும் நடிக்க விரும்ப மாட்டார்கள். எனவே தான் நான் புதுமுகமான க்ரிஷை தேர்வு செய்தேன் என்று ஸ்ரீப்ரியா தெரிவித்துள்ளார். ஆனால் விஜய் சேதுபதி ஆர்வமாக இருந்தது அவருக்கு தெரியாமல் போயிற்று.