Thalapathy 64: பர்ஸ்ட் ரஜினி.. இப்போ விஜய்.. திரும்பவும் வில்லனாகும் விஜய் சேதுபதி!

வில்லனாகும் விஜய் சேதுபதி

இந்நிலையில் விஜய் 64 படத்தில் நடிக்க விஜய் சேதுபதி கமிட் ஆகியுள்ளதாகக் கூறப்படுகிறது. இந்த படத்தில் அவர் விஜய்க்கு வில்லனாக நடிக்கிறார் எனக் கூறப்படுகிறது. ஏற்கனவே, விக்ரம் வேதா படத்தில் எதிர்மறையான கதாபாத்திரத்திலும், பேட்ட படத்தில் ரஜினிக்கு வில்லனாகவும் விஜய் சேதுபதி நடித்திருந்தார். அப்படங்களில் அவரது கதாபாத்திரம் மிகவும் பேசப்பட்டது.

எதிர்பார்ப்பில் ரசிகர்கள்

அதேபோல் தான் இந்த படத்திலும் அவர் விஜய்க்கு வில்லனாக நடிக்க விஜய் சேதுபதி ஒப்புக்கொண்டிருப்பதாகக் கூறப்படுகிறது. ஆனால் இதுகுறித்து அதிகாரப்பூர்வமான தகவல் எதுவும் வெளியாகவில்லை. ஆனால் நிச்சயம் விஜய்க்கு நிகரான கதாபாத்திரத்தில் வில்லத்தனம் காட்டி மிரட்டுவார் என்ற எதிர்பார்ப்பு மக்கள் மத்தியில் உள்ளது.

ரசிகர்கள் கொண்டாட்டம்

விஜய் படத்தில் விஜய் சேதுபதி கமிட் ஆகியிருப்பதாக வெளியான தகவலால் விஜய் ரசிகர்கள் மட்டுமின்றி, விஜய் சேதுபதி ரசிகர்களும் மகிழ்ச்சி அடைந்துள்ளனர். உடனடியாக #Thalapathy 64 என ஹேஷ்டேக் போட்டு அதனை டிரெண்டிங்காக்கிவிட்டனர்.

பாராட்டு

தமிழ் சினிமாவில் வெற்றிப்பட நாயகனாக வலம் வரும் விஜய் சேதுபதி, அவ்வப்போது இது போல் வில்லன் கதாபாத்திரத்திலும் நடித்து வருவது உண்மையிலேயே மக்களை ஆச்சர்யப்படுத்தியுள்ளது. சின்ன எதிர்மறை கேரக்டரில் நடித்தால்கூட நமது இமேஜ் மாறி விடும் என பயப்படும் நடிகர்களுக்கு மத்தியில், தன் இமேஜைப் பற்றி கவலைப்படாமல் கதாபாத்திரத்திற்கு மட்டும் முக்கியத்துவம் கொடுத்து விஜய் சேதுபதி படங்களைத் தேர்வு செய்வது பாராட்டுக்குரியது.