குறும்பட இயக்குனரின் படத்தில் நடிக்கும் விஷால்!

கருத்து வேறுபாடு

தமிழில் மட்டுமல்லாமல் தெலுங்கிலும் எக்கச்சக்கமான ரசிகர்களை கொண்டுள்ள நடிகர் விஷால் நடிக்கும் திரைப்படங்கள் தெலுங்கிலும் வெளியாகி மிகப்பெரிய வரவேற்பை பெற்று அங்கும் பாக்ஸ் ஆபீசை கலக்கி வருகிறது. துப்பறிவாளன் படத்தின் மாபெரும் வெற்றிக்கு பிறகு அதன் இரண்டாம் பாகம் உருவாகிறது என இயக்குனர் மிஷ்கின் சொல்லி வந்த நிலையில் எதிர்பாராத சில கருத்து வேறுபாடு காரணமாக இப்பொழுது துப்பறிவாளன் பாகம்2 விஷாலே இயக்க உள்ளார்.

பிரம்மாண்ட பொருட்செலவில்

நடிகராகவும் தயாரிப்பாளராகவும் இருந்து வந்த விஷால் இப்பொழுது துப்பறிவாளன் பாகம்-2 திரைப்படத்தை இயக்கி இயக்குனராக அறிமுகமாக இருக்கும் நிலையில் இப்போதுள்ள லேட்டஸ்ட் டெக்னாலஜியைப் பயன்படுத்தி பிரம்மாண்ட பொருட்செலவில் உருவாகி இருக்கும் சக்ரா விரைவில் வெளியாக இருக்கும் நிலையில் அதிகாரப்பூர்வ வெளியீட்டு தேதி இன்னும் அறிவிக்கப்படவில்லை.

இருவரும் மோதிக் கொள்ள

திரைத்துறையில் மிகவும் நெருங்கிய நண்பர்களாக இருக்கும் வெகு சிலரில் ஆர்யா மற்றும் விஷால் பல ஆண்டுகளாக நெருங்கிய நண்பர்களாக இருந்து வரும் நிலையில் இப்பொது முதன் முறையாக எதிரிகளாக மாறி எனிமி திரைப்படத்தில் இருவரும் மோதிக் கொள்ள படப்பிடிப்பு தற்போது விறுவிறுப்பாக நடந்து வருகிறது.

அதிகாரபூர்வ அறிவிப்பு

சக்ரா, துப்பறிவாளன் 2, எனிமி ஆகிய திரைப்படங்கள் விஷால் நடிப்பில் அடுத்தடுத்து வெளியாக இருக்கும் நிலையில் அடுத்த திரைப்படத்தின் தகவலும் இப்பொழுது கசிந்துள்ளது. எது தேவையோ அதுவே தர்மம் என்ற குறும்படத்தை இயக்கி சமீபத்தில் அனைவரையும் கவர்ந்திருந்த குறும்பட இயக்குனர் சரவணா சொன்ன கதை விஷாலுக்கு பிடித்துப்போக ஓகே சொல்லி உள்ளதாகவும் விரைவில் இதுபற்றிய அதிகாரபூர்வ அறிவிப்பு வெளியிடப்படும் எனவும் சில தகவல்கள் கசிந்துள்ளது.