ரஜினியை மட்டும் பின்தொடரும் விஷால்!

மனதில் பட்டதைச் சொல்லும் துணிச்சல், யாருக்காகவும் தயங்காமல் தான் நினைத்ததைச் செய்வது போன்றவற்றுக்கு இன்றைய நடிகர்களில் பளிச்சென்று முன் நிற்பவர் விஷால்.

இந்த விஷயங்களில் தனது குருவாக அவர் நினைப்பது சூப்பர் ஸ்டார் ரஜினியை மட்டும்தான்.

அதனால்தான் ட்விட்டரில் கூட ரஜினியை மட்டும் ஃபாலோ பண்ணுகிறார் மனிதர்.

விஷால் சமீபத்தில்தான் ட்விட்டரில் இணைந்தார். ட்விட்டரில் இணைந்ததிலிருந்து, ரொம்ப ஆக்டிவாக இருக்கிறார் விஷால். தன் படங்களைப் பற்றிய செய்திகள், படங்கள், ட்ரைலர்களை வெளியிட்டு வருகிறார். அவ்வப்போது ரசிகர்களுடன் பேசுகிறார்.

இதுநாள் வரை விஷாலை 18 ஆயிரம் பேர் பின்தொடர்ந்துள்ளார்கள். ஆனால், விஷாலோ ஒருவரை மட்டும்தான் பின்தொடர்ந்துள்ளார். அந்த ஒருவர் யாரென்றால் சூப்பர் ஸ்டார் ரஜினிதான். மற்ற நடிகர், நடிகைகளை இதுவரை அவர் தொடரவில்லை. இதற்கான காரணம் என்னவென்றும் தெரியவில்லை.