இயக்குநருக்கும் ஹீரோவுக்கும் கூட கெமிஸ்ட்ரி நல்லா ஒர்க் அவுட் ஆகணுங்க!- விஷால்

By Shankar

| Published: Monday, June 24, 2013, 13:21 [IST]

Vishal speaks on Hero - Director Chemistry

சென்னை: ஒரு படம் சிறப்பாக வர ஹீரோ ஹீரோயின் கெமிஸ்ட்ரி நன்றாக இருந்தால் மட்டும் போதாதுங்க... ஹீரோவுக்கும் இயக்குநருக்கும் கூட கெமிஸ்ட்ரி நன்றாக இருக்க வேண்டும், என்றார் நடிகர் விஷால்.

பூபதி பாண்டியன் இயக்கத்தில் விஷால் நடிக்கும் படம் பட்டத்து யானை. இப்படத்தில் விஷாலுக்கு ஜோடியாக அர்ஜுன் மகள் ஐஸ்வர்யா அறிமுகமாகிறார். படத்தின் இசை வெளியீட்டு விழா நேற்று சென்னையில் நடந்தது.

விழாவில் விஷால் பேசும்போது, ''பட்டத்து யானை முழு நேர நகைச்சுவை படமாக வந்துள்ளது. கமர்சியலாகவும், அதே சமயம் தரமான பொழுதுபோக்கு படமாகவும் இருக்கும். கதாநாயகி ஐஸ்வர்யாவுக்கு இது முதல் படம். என் குருநாதர் அர்ஜுனின் மகள். நல்ல திறமைசாலி. எங்கள் குடும்பத்திலிருந்து வந்திருக்கும் அவருக்கு அனைவரின் ஆதரவையும் கோருகிறேன்.

ஒரு படத்தில் நடித்துக்கொண்டிருக்கும்போது கதாநாயகன்- நாயகிக்கிடையே உள்ள கெமிஸ்டிரி சிறப்பாக இருந்தால் படம் நன்றான வரும் என்கிறார்கள். ஆனால், கதாநாயகனுக்கும்- இயக்குனருக்கும் இடையே கெமிஸ்டிரி சிறப்பாக இருந்தாலும் படம் நன்றாக அமையும். இந்த படத்தில் எனக்கும், இயக்குனர் பூபதி பாண்டியனுக்கு இடையே கெமிஸ்டிரி நன்றாக இருந்தது,'' என்றார்.