Click it and Unblock the Notifications
சூரியன் ரீமேக்கில் விஷால்?
1992-ல் கேடி குஞ்சுமோன் தயாரிக்க பவித்திரன் இயக்கத்தில் வந்த படம் இது. இந்தப் படத்தின் இணை இயக்குநர் ஷங்கர். படத்தில் கவுண்டமணியின் காமெடி மிகப் பிரபலம்.
அதிரடி ஆக்ஷன் - காமெடி, நல்ல பாடல்கள் என சரியான கமர்ஷியல் கலவையான இந்தப் படத்தை மீண்டும் ரீமேக் செய்யும் முயற்சியில் உள்ளாராம் பவித்திரன்.
ஹீரோவாக விஷால் - ஹீரோயினாக சரத்குமாரின் மகள் வரலட்சுமி நடிக்கவிருப்பதாக செய்திகள் வெளியாகியுள்ளன.
ஆனால் விஷால் தரப்பில் விசாரித்தபோது, அவருக்கு இந்தப் படத்தில் ஆர்வம் இருந்தாலும், இயக்குநர் விஷயத்தில் மட்டும் அத்தனை திருப்தியில்லையாம். பவித்திரன் தவிர வேறு யாராவது இயக்கினால் நடிக்கலாம் என்று நினைக்கிறாராம்.
பவித்திரன் பல வருடங்கள் கழித்து மாட்டுத்தாவணி என்ற படத்தை இயக்கினார். ஆனால் அந்தப் படம் வந்த சுவடே தெரியவில்லை. இடையில் சில படங்களை அவர் அறிவித்திருந்தாலும் அவை வெளிவரவில்லை என்பது குறிப்பிடத்தக்கது.
Continue with Google