For Quick Alerts
ALLOW NOTIFICATIONS  
For Daily Alerts

    கன்னடத்தைக் கலக்கும் லேடி ப்ருஸ்லீ!

    By Sudha
    |
    Ayesha in Chennamma IPS
    தென்னகத்து ஜேம்ஸ் பாண்ட் என்று ஒரு காலத்தில் ஜெய்சங்கரை வர்ணித்தார்கள். அதேபோல லேடி சூப்பர்ஸ்டார், அதிரடி நாயகி என்று விஜயசாந்திக்கு ஒரு காலத்தில் பெயர் இருந்தது. இந்த வரிசையில் இப்போது கன்னட சினிமாவைக் கலக்கி வருகிறார் ஆயிஷா. இவருக்கு லேடி ப்ரூஸ்லீ என்று செல்லப் பெயர் வேறு வைத்து விட்டனர்.

    ரிவால்வர் ரீட்டா, புல்லட் பூமா என்று அந்தக் காலத்து தமிழ், தெலுங்கு, கன்னடப் படங்களில் அதிரடி நாயகிகள் கலக்கினர் ஒருகாலத்தில். நாயகர்களுக்கு இணையாக இந்த நாயகிகளும் அதிரடியாக சண்டை போடுவார்கள். பெல்ஸும், டைட்டான ஜீன்ஸும் போட்டுக் கொண்டு கவர்ச்சிகரமான சண்டைக் காட்சிகளில் இவர் போட்ட சண்டைகள் இப்போதைய தலைமுறையினருக்கு நினைவிருக்க வாய்ப்பில்லை.

    விஜயசாந்தி மட்டுமே இந்த அதிரடி நாயகிகள் வரிசையில் இன்னும் மறக்காமல் உள்ளவர். அவரைப் போலவே கன்னடத்தில் அதிரடி வேடங்களில் நடித்தவர் மாலாஸ்ரீ. இப்போது ஆயிஷா என்ற நடிகை இந்த வரிசையில் இணைந்துள்ளார்.

    திரில்லர் மஞ்சுவின் இயக்கத்தில் கன்னடத்தில் உருவாகும் ஜெயஹே என்ற படத்தில் நடித்தவர் ஆயிஷா. இவர் திருப்பதியைச் சேர்ந்தவர். கராத்தேவில் கருப்பு பெல்ட் வாங்கியவர். அதிரடியாக சண்டை போடக் கூடிய உடல் வாகும், ஸ்டெமினாவும் உள்ளவர்.

    ஒரு வயதாக இருந்தபோதிலிருந்தே தனது தந்தை ஹபீப்பிடம் கராத்தே பயிற்சி பெற்றவராம் ஆயிஷா. ஆண்களுக்கு நிகராக அசகாயமாக சண்டை போடுவதில் வல்லவர் ஆயிஷா.

    ஏழு வருடங்களுக்கு முன்பு திரில்லர் மஞ்சு இயக்கிய ஷப்தா என்ற படத்தில் சில சண்டைக் காட்சிகளுக்கு ஆயிஷாவை பயன்படுத்தியிருந்தார் திரில்லர் மஞ்சு. இந்த நிலையில் இப்போது ஆயிஷாவை நாயகியாகப் போட்டு ஜெயஹே படத்தை இயக்கினார்.

    இந்த நிலையில் தற்போது சென்னம்மா ஐபிஎஸ் என்ற படத்தில் நடித்துள்ளார் ஆயிஷா. ராமநகரத்தைக் கலக்கும் ரவுடிகளை ஒழித்துக் கட்டும் உதவி போலீஸ் கமிஷனராக இதில் அதகளம் செய்துள்ளாராம் ஆயிஷா. வைஜெயந்தி ஐபிஎஸ் கதைதான் இந்தப் படத்தின் கதையும்.

    நம்ம ஊர் 'வைஜெயந்தி' சினேகாவுடன் ஒப்பிடுகையில், இந்த லேடி ப்ரூஸ்லீ ஆயிஷா, படு அதிரடியாகத்தான் தெரிகிறார்!

    English summary
    Treading the path of action heroines Malashree and Vijayashanti is latest entrant, Ayesha. The Tirupathi-based lass have acted in Telugu and Kannada movies. Her latest flick ‘Chennamma IPS’ has created a wave in Kannada. Ayesha, a black belt in Karate, has been training with her father Habib since she was a year old. She is today popularly known as 'Lady Bruce Lee.'

    சினிமா செய்திகள், விமர்சனங்களை உடனுக்குடன் தெரிந்து கொள்கಿ - Filmibeat Tamil

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more