Don't Miss!
- News திண்டுக்கல்-பொள்ளாச்சி பஸ் பெயர் பலகையையில் என்ன "ஓடிச்சி" பாருங்க.. தலைசுற்றிப்போன மக்கள்
- Sports IPL Classics - 2010 சீசன் அரையிறுதியில் CSK வென்றது எப்படி? பலம் வாய்ந்த டெக்கான் அணியுடம் மோதிய கதை
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Lifestyle கால்களில் இந்த அறிகுறிகள் தெரியுதா? அப்ப சிறுநீரக நோய் இருக்கு-ன்னு அர்த்தம்.. உஷார்...
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
- Automobiles அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
சங்கீதாவுக்கு திருமணம்
ரசிகா என்ற பெயரில் முன்பும், பிதாமகனுக்குப் பின்னர் சங்கீதா என்ற பெயரிலும் பல்வேறு படங்களில் நடித்துள்ள சங்கீதா, வளரும் பின்னணிப் பாடகர் கிரீஷை காதலித்தார்.
இதையடுத்து இருவரும் திருமணம் செய்து கொள்ளமுடிவு செய்தனர்.
இந்தக் கல்யாணத்தில் ஆரம்பத்தில் சில சிக்கல்கள் இருந்தன. இருப்பினும் இரு வீட்டாரையும் சங்கீதாவும், கிரீஷவும் சமாதானப்படுத்தினர்.
இதைத் தொடர்ந்து இன்று காலை திருவண்ணாமலை, அண்ணாமலையார் சன்னதியில், சங்கீதா, கிரீஷ் திருமணம் நடந்தது.
காலை ஏழே முக்கால் மணிக்கு சங்கீதாவும், கிரீஷும் கோவிலுக்கு வந்தனர். ரோஸ் நிறத்தில் பட்டுப்புடவையுடன் சங்கீதா வந்தார். கிரீஷ் பட்டு வேட்டி, சட்டையில் வந்தார்.
அண்ணாமலையார் ஆலயத்தில் உள்ள சம்பந்த விநாயகர் சன்னதியில் திருமாங்கல்யம் வைத்து சிறப்பு பூஜை நடைபெற்றது. அதனை தொடர்ந்து அண்ணாமலையார், உண்ணாமலை அம்பாளை மணமக்கள் தரிசனம் செய்தனர்.
தொடர்ந்து ஆலய வளாகத்தில் உள்ள கோபுரத்து இளையனார் சன்னதி மண்டபத்தில் முகூர்த்தம் நடந்தது. காலை 8.35 மணிக்கு நடிகை சங்கீதா கழுத்தில் கிரீஷ் தாலி கட்டினார். அதனை தொடர்ந்து இருவரும் மாலை மாற்றிக் கொண்டனர்.
நடிகர்கள் பாண்டியராஜன், ஜீவா, சின்னிஜெயந்த், பிரிதிவிராஜ், யோகி தேவராஜ், பிரேம்ஜி, இயக்குநர்கள் கங்கை அமரன், பாலா, தரணி, எஸ்.பி. சரண், நடிகைகள் ஸ்ரீபிரியா, ரீமாசென், மும்தாஜ், லட்சுமிராய், விஜயகுமார் மகள் ஸ்ரீதேவி, மகேஷ்வரி உள்ளிட்டோர் நேரில் கலந்து கொண்டு வாழ்த்து தெரிவித்தனர்.
பின்னர், அண்ணாமலையார் கோயில் அலுவலகத்தில் சங்கீதா கிரீஷ் கையெழுத்திட்டு திருமணத்தை பதிவு செய்து கொண்டனர். கிரீஷ் தரப்பில் அவரது அக்காள் கணவர் சீமோர் கையெழுத்திட்டார்.
அண்ணாமலையார் கோயிலில் இன்று 50க்கும் மேற்பட்ட திருமணங்கள் நடைபெற்றது. இத் திருமணத்திற்கு வந்திருந்த அனைவரும் நடிகை சங்கீதா திருமணத்திலும் பங்கேற்றனர். அத்துடன் ரசிகர்கள் ஏராளமானோர் இதில் பங்கேற்றனர்.
சங்கீதா கல்யாணம் நடந்ததாலும், பெருமளவில் கல்யாணங்கள் நடந்ததாலும், கோவில் போலீஸ் பாதுகாப்பு போடப்பட்டிருந்தது.