Don't Miss!
- Lifestyle தழும்புகள் உங்க சருமத்தை அசிங்கமா காட்டுகிறதா? இந்த எளிய வீட்டு வைத்தியங்களை யூஸ் பண்ணுங்க..சீக்கிரம் மறையும்!
- Technology வெயிட்டிங் ஓவர்.. Sony கேமரா.. 256ஜிபி மெமரி.. வருகிறது புதிய Vivo 5ஜி போன்.. எந்த மாடல்?
- News அப்படி போடு.. ஓட்டு போட நாளை வரிசையில நிக்க வேண்டாம்.. EC அறிமுகம் செய்த செம வசதி.. என்னன்னு பாருங்க
- Finance தேர்தல் 2024: கொடி, பிளக்ஸ் பேனர்-க்கு மட்டும் ரூ.5000 கோடி செலவு.. அதிர்ச்சி அளிக்கும் டேட்டா..!!
- Automobiles படகு மாதிரி மிதந்து சென்ற ரூ2.44 கோடி கார்! இவ்வளவு வெள்ளத்துலயும் சின்ன டேமேஜ் கூட ஆகலயே!
- Sports PBKS vs MI : நம்ம ஹர்சல் படேலா இது.. கடைசி 5 ஓவரில் 5 விக்கெட்ஸ்.. மும்பையை கலங்கடித்த பஞ்சாப்!
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
சந்தோஷ் சிவனுக்கு ஜோடி ராதா மகள்
மகர மஞ்சு என்ற பெயரில் உருவாகும் இப்படம் பிரபல மலையாள ஓவியர் ராஜா ரவி வர்மா குறித்த கதையாகும்.
இந்தப் படத்தை மலையாளத்தில் உருவாக்கி இந்தி மற்றும் ஆங்கிலத்தில் டப் செய்யத் திட்டமிட்டுள்ளனர்.
அடுத்த வாரம் கொச்சியில் படப்பிடிப்பு தொடங்குகிறது. லெனின் ராஜேந்திரன் படத்தை இயக்கவுள்ளார்.
ஒளிப்பதிவு, இயக்கம் ஆகியவற்றில் பிசியாக இருந்தபோதிலும், இந்தப் படத்தில் நடிக்க ஒப்புக் கொண்டுள்ளாராம் சந்தோஷ் சிவன். இதுகுறித்து அவர் கூறுகையில், இயக்குநர் லெனின் ராஜேந்திரன்தான் என்னை வற்புறுத்தி நடிக்க சம்மதிக்க வைத்தார். ராஜா ரவிவர்மா கேரக்டரில் நடிக்கிறேன். இது மிகப் பெரிய விஷயம்.
சிறு வயது முதலே ராஜா ரவி வர்மாவின் ஓவியங்களைப் பார்த்து பிரமித்து வளர்ந்தவன் நான். நான் சிறுவனாக இருந்தபோது, எனது பாட்டி எனக்கு கதைகளைச் சொல்லும்போது ராஜா ரவிவர்மாவின் ஓவியங்களை வரைந்து அதைக் கதையாக சொல்வார்.
எனக்கும் கூட கொஞ்சம் வரையத் தெரியும். ராஜா ரவிவர்மாவை சிறு வயது முதலே எனது நினைவுகளில் ஏற்றிக் கொண்டு விட்டதால், இந்த கலை எனக்கும் வந்தது என நினைக்கிறேன் என்றார் சந்தோஷ் சிவன்.
இப்படத்தில் சிவனுக்கு ஜோடியாக நடிக்கப் போவது நடிகை ராதாவின் மகள் கார்த்திகா.
திருவனந்தபுரம், கோவா ஆகிய இடங்களில் படப்பிடிப்பு நடக்கவுள்ளதாம்.
சரி நடிப்பு உங்களுக்கு வருமா என்று கேட்டபோது, நான் முதன் முதலில் நடித்த படம் ராக். 1989ம் ஆண்டு வெளியான படம் இது. அப்படத்தில் நான் நடித்த காட்சியைப் பார்த்து விட்டு என்னுடன் நடித்த பங்கஜ் கபூர் சிரித்த சிரிப்பு இன்னும் என் மனதிலேயே உள்ளது.
இப்போது மீண்டும் நடிக்கப் போகிறேன். பங்கஜ் கபூர் சிரித்த சிரிப்பை நினைத்துப் பார்க்கும்போதுதான் சற்று பயமாக இருக்கிறது என்று சிரிக்கிறார் சிவன்.