twitter
    For Quick Alerts
    ALLOW NOTIFICATIONS  
    For Daily Alerts

    பார்ட்டிகளை நமீதா புறக்கணிக்கும் ரகசியம்!

    By Staff
    |

    Namitha
    முன்பு சில்க் ஸ்மிதா கடித்துப் போட்ட ஆப்பிளை ஏலத்தில் எடுக்க போட்டி போட்டது ரசிகர் கூட்டம். இப்போது, சில்க்கையும் மிஞ்சும் கிக், புகழ் எல்லாமே ஆறடி உயர ஆல்கஹாலான நமீதாவுக்குதான

    அவர் நேரம், நடிக்கிற படமும், அறிமுகப்படுத்தற பொருள் எல்லாமே பிச்சிக்கிட்டு போகுதாம்!

    நமீதாவுக்கு மிகப் பெரிய பிரச்சினையாக இருந்தது அவரது எடைதானாம். சில தினங்களுக்கு முன் அவர் அறுவைச் சிகிச்சை செய்து கொண்டார் என்றெல்லாம் கூட வதந்திகள் புகைந்தது நினைவிருக்கலாம். ஆனால் உண்மை அது இல்லையாம். அவரது எடை குறை முக்கிய காரணம் 'சப்வே'தானாம்.

    சப்வே?

    சென்னையில் உள்ள சுரங்கப்பாதையில் குறுக்கும் மறுக்கும் ஓடி உடம்பைக் குறைத்தாரோ என நினைக்க வேண்டாம்... இந்த சப்வே, ஒரு உணவகம்.

    இங்கிருந்துதான் நமீதாவுக்கு மூன்று வேளையும் உணவுகள் போகின்றன. உடல் எடை குறையும் அளவுக்கு அப்படி என்னதான் சாப்பிடுகிறார் அம்மணி?

    ஒரு கோதுமை பர்கர், தேவைப்பட்டா ஒரு டயட் கோக்!

    இந்த உணவை முதலில் ருசி பார்த்து பின்னர் பலன் பார்த்து பரவசப்பட்ட நமீதா, தொடர்ந்து பர்கர் ரசிகையாகி விட்டாராம்.

    அவரும் அவரது காதலர் பரத் கபூரும் சென்னையில் உள்ள நாட்களில் தவறாமல் ஆஜராகிவிடும் இடம் இந்த சப்வேதானாம். மாலை நேர பார்ட்டிகளைக் கூட புறக்கணித்து விடுகிறாராம் இதற்காக. "தேவையில்லாத பார்ட்டிகளுக்குப் போய் உடம்பையும், பெயரையும் கெடுத்துக் கொள்வதற்கு பதில், இங்கு வந்து நிம்மதியாக பிடிச்ச உணவை ருசிப்பது சுகமாக உள்ளது", என்கிறார் நமீதா.

    சென்னையில் மட்டும் 10 இடங்களில் கிளைபரப்பியுள்ள அமெரிக்க செயின் ரெஸ்டாரெண்ட் இந்த சப்வே. இங்கு தரப்படும் உணவில் கொழுப்பின் அளவு குறைவு என்பதால், நமீதாவைப் பின்பற்றி பெரும் நட்சத்திரக் கூட்டமே குவியத் துவங்கியிருக்கிறது சப்வேயில்.

    'அந்த லிஸ்ட் பெரியது சார்... மணிரத்னம், கமல் ஹாஸன், சரத் குமார், ஜோதிகா, சூர்யா, விக்ரம், அஜீத், ஷாலினி, சூப்பர் ஸ்டாரின் மகள்கள் ஐஸ்வர்யா, சவுந்தர்யா மற்றும் தனுஷ்.... பட்டியல் இன்னும்கூட நீள்கிறது.

    இவர்கள் இங்கே வருவதால் இப்போது அவர்களது ரசிகர்களும் குவியத் துவங்கிவிட்டார்கள். நட்சத்திரங்கள் எடை குறைந்து ஸ்லிம் ஆகிறார்கள். எங்களுக்கு கிளைகள் பெருகுது... தென் இந்தியர்கள்தான் உடல் வடிவில் பெரும் அக்கறை காட்டுகிறார்கள்...", என்கிறார் இந்த உணவகத்தின் இந்தியப் பங்குதாரர் விபின் சச்தேவ்.

    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X