கை நிறைய வேறு மொழிப் படங்கள்-தமிழுக்கு லக்ஷ்மி ராய் 'குட்டி' பிரேக்!

நடிகை லஷ்மி ராய் தமிழ் படங்களுக்கு சிறிது காலம் பிரேக் விட முடிவு செய்துள்ளார்.

காஞ்சனா, மங்காத்தா என்று அடுத்தடுத்து அவர் நடித்த படங்கள் ஹிட்டாகியுள்ளன. இதனால் லக்ஷ்மி ராய் குஷியாகியுள்ளார். அதிலும் குறிப்பாக மங்காத்தாவில் கவர்ச்சி மற்றும் வில்லித்தனமான கதாபாத்திரத்தில் கலக்கியிருக்கிறார்.

இதைப் பார்த்த இயக்குனர்கள் அட லக்ஷ்மி ராயா இது, அருமையா நடித்திருக்கிறாரே, நம்ம படத்துக்கு ஒப்பந்தம் செய்வோம் என்று அவர் வீட்டுக்கு சென்றுள்ளனர். ஆனால் லக்ஷ்மி ராயோ ஸரி, ஏற்கனவே கை நிறைய மலையாளம், கன்னடம் மற்றும் தெலுங்கு படங்கள் உள்ளது. அதனால் இப்போதைக்கு தமிழ் படங்களில் நடிக்க முடியாது என்று கூறிவிட்டாராம்.

இந்த இடைவேளை ரசிகர்களை தன்னைத் தேட வைக்கும் என்றும் அவர் நம்புகிறார். என்னடா லக்ஷ்மி ராயை காணோமே என்று ரசிகர்கள் ஏங்குவார்கள் என்று நினைக்கிறார்.

'குட்டி' பிரேக்காக இருக்கட்டும், இல்லையெனில் ரசிகர்கள் மறந்துவிடப்போகிறார்கள்....!