முகப்பு

ஹீரோயின்

சிவப்பதிகாரம் படத்தில் அறிமுகமானவர் மம்தா. ஆனால் அந்தப் படம் படுதோல்வியைத் தழுவியதால், தெலுங்குப் பக்கம் போனார்.

அங்கு நடிகை என்பதைவிட, பின்னணிப் பாடகியாக ஜொலிக்க ஆரம்பித்தார். அரசு வி்ருதெல்லாம் வாங்கினார் சிறந்த பாடகிக்கான பிரிவில், தமிழிலும் கோவா, காளை போன்ற படங்களில் பாடினார்.

குரு என் ஆளு படம் மூலம் திரும்ப தமிழுக்கு வந்தார். அந்த முயற்சியும் தோற்றுப் போனது. சொந்த ஊரான கேரளாவில் வாய்ப்புகள் வர, அங்கும் சில படங்கள் செய்தார்.

இருந்தாலும், தமிழில் தனக்கான இடத்தைப் பிடிக்காமல் விடுவதில்லை என்பதில் தெளிவாக இருந்த அவருக்கு நல்ல வாய்ப்பாக வந்தது, தடையற தாக்க படம்.

இந்தப் படத்தில் நாயகியாக ஒப்பந்தமாகி பின் அருண் விஜய் ராசிக்கு பயந்து ஓடிப்போன பிராச்சி தேசாய்க்குப் பதில், மம்தா மோகன்தாஸ் நடிக்கிறார்.

இதே படத்தில் இன்னொரு ஹீரோயினா முன்னாள் மிஸ் இந்தியா ராகுல் பிரீத் சிங் நடிக்கிறார்.