விஸ்வரூபம்: கமல் ஜோடி ஏமி ஜாக்சன்?

விஸ்வரூபம் படத்தில் கமலுடன் ஜோடியாக மதராசபட்டினம் புகழ் ஏமி ஜாக்சன் நடிக்கவிருக்கிறார் என்று கூறப்படுகிறது.

கமல் இயக்கி நடிக்கும் விஸ்பரூபம் படத்தில் அவருக்கு ஜோடியாக மதராசபட்டினம் கதாநாயகி ஏமி ஜாக்சன் நடிக்கவிருக்கிறார் என்று கூறப்படுகிறது. விஸ்ரூபம் படத்தை செல்வராகவன் எடுப்பதாக இருந்தது. ஆனால் தானே இயக்கி, நடிக்கப்போவதாக கமல் அறிவித்தார்.

இந்த படத்தின் மூலம் சோனாக்ஷி சின்ஹா தமிழில் அறிமுகமாகிவிருந்தார். கால்ஷீட் பிரச்சனையால் அவர் விலகிக் கொண்டார். அடுத்து நடிகை அனுஷ்கா நடிப்பார் என்று பேசப்பட்டது. அதுவும் புஸ்ஸானது. பின்னர் சமீரா ரெட்டி கமலுடன் ஜோடி சேர்கிறார் என்றார்கள். அதுவும் இல்லை என்றாகிவிட்டது.

இப்படி ஒவ்வொரு கதாநாயகியும் வருவதும், போவதுமாக இருக்கையில் மதராசபட்டினத்தில் அசத்திய ஏமி ஜாக்சன் கமலுக்கு ஜோடியாக நடிக்கவிருக்கிறார் என்று பேசப்படுகிறது. இந்த படத்தில் கமல் போலீஸ் அதிகாரியாக வருகிறார். கதாநாயகி உளவுத் துறை ஏஜென்டாக வருகிறார்.

ஏமியாவது நடிப்பாரா அல்லது வேறு யாராவது வருவார்களா என்பதை பொறுத்திருந்து பார்ப்போம்...