மீண்டும் மீனா... 'விடாதே பிடி'!

திருமணம், ஹாலிடே, ஹனிமூன் எல்லாம் முடிந்து, மீண்டும் நடிக்க வருகிறார் மீனா.

திருமணத்துக்குப் பிறகும் நடிப்பைத் தொடர்வேன் என்று ஏற்கெனவே கூறியிருந்த மீனா, சொன்ன வாக்கைக் காப்பாற்ற கலைச்சேவையில் முழு வீச்சில் இறங்குகிறார்.

அவர் நடிக்கவிருக்கும் முதல் படத்துக்கு விடாதே பிடி என தலைப்பு சூட்டப்பட்டுள்ளது. இயக்குபவர் காமடிப் படங்களை இயக்குவதில் தனக்கென ஒரு இடம் பிடித்த டிபி கஜேந்திரன்.

இந்தப் படத்தில் மீனாவுக்கு ஜோடியாக நடிப்பவர் பிரபு. நீண்ட இடைவெளிக்குப் பிறகு காமெடிப் படத்தில் இருவரும் ஜோடி சேருகிறார்கள்.

இப்போது மீனாவுக்கு விடாதே பிடி தவிர புதுப்படங்கள் எதுமில்லை. டிவி டாக் ஷோ ஒன்றில் சிறப்பு விருந்தினராகக் கலந்து கொள்கிறார்.