Don't Miss!
- Sports "இந்தியாவின் ஒரே பாட்ஷா" சச்சினின் 51வது பிறந்தநாள்.. கொண்டாடும் தோனி, விராட் கோலி, ரோகித் சர்மா!
- Finance தங்கம் விலை இறங்கிய வேகத்தில் ஏறியது.. ஒவ்வொரு நிமிடமும் முக்கியம்..!!
- News சூப்பரான சான்சை விட்டுடாதீங்க.. முக்கிய ராசிக்கு அடிக்க போகும் பம்பர் யோகம்.. குரு பெயர்ச்சி பலன்கள்
- Technology இதுதாங்க பட்ஜெட்.. ரூ.9999 போதும்.. 12GB ரேம்.. 1TB மெமரி.. 5000mAh பேட்டரி.. 15W சார்ஜிங்.. எந்த மாடல்?
- Education இலவச கட்டணத்துடன் தனியார் சுயநிதி பள்ளிகளில் சேர வேண்டுமா...ஆன்-லைனில் அப்ளை பண்ணுங்க....!!
- Lifestyle சுக்கிர பெயர்ச்சியால் இன்று முதல் மே 19 வரை இந்த ராசிக்காரர்களுக்கு சூப்பரா இருக்கப்போகுது...
- Automobiles ஹீரோ நிறுவனம் அமைதியாக பல தரமான சம்பவங்களை செஞ்சிட்டு வருகிறது!! டாப்-10 லிஸ்ட்டில் 4 இடங்களில் ஹீரோ 2-வீலர்ஸ்
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
ஸ்ரீவித்யாவாக சந்தியா
'நான் அவன் இல்லை'க்குப் பிறகு மீண்டும் தனது குரு பாலச்சந்தரின் புகழ்பெற்ற படம் ஒன்றை ரீமேக் செய்யப் போகிறார் இயக்குநர் செல்வா.
ஸ்ரீவித்யா- ஜெய்சங்கர் நடித்த வெற்றிப் படம் நூற்றுக்கு நூறுதான் அந்தப் படம்.
இந்தப் படத்தில் மறைந்த நடிகை ஸ்ரீவித்யா நடித்த பாத்திரத்தில் நடிக்கிறார் சந்தியா. படத்திலும் அவருக்கு வித்யா என்றே பெயர் சூட்டியிருக்கிறார்கள்.
இது குறித்து சந்தியா கூறுகையில்,
இந்தப் படத்தை நான் ஏற்கெனவே பார்த்திருக்கிறேன். அசத்தலான படம். அருமையான கதை. செல்வா சார் எடுத்த நான் அவன் இல்லை படத்தையும் பார்த்திருக்கிறேன். பழைய படத்துக்கு இத்தனை அழகிய வண்ணம் தர முடியுமா என்று வியந்து போனேன்.
நூற்றுக்கு நூறு படத்தையும் இப்போதைய சூழலுக்கு ஏற்ப நவீனமாகத் தருவார் செல்வா என்று தெரியும். அதனால்தான் வேறு எதைப் பற்றியும் பேசாமல் இந்தப் படத்துக்கு ஒப்புக் கொண்டேன்.
ஸ்ரீவித்யா அளவுக்கு என்னிடம் எதிர்பார்க்காதீர்கள். அவர்கள் நிஜமாகவே மிகச் சிறந்த பெண்மணி. ஆனால் அவர் பெயரைக் கெடுக்காமல் நடிப்பேன்.
இப்போது நான் நடித்துக் கொண்டிருக்கும் படங்களில் 'மகேஷ் சரண்யா மற்றும் பலர்' படம் முடிந்து ரிலீசுக்கு தயாராகிவிட்டது. இந்தப் படத்தின் கதை சாதாரணமாகத் தெரியும். ஆனால் க்ளைமாக்ஸ், காதல் படம் மாதிரி அழுத்தமானது, அதிர வைக்கும். நான் அனுபவித்த அந்த அதிர்ச்சியை படம் வந்தால் நீங்களும் புரிந்து கொள்வீர்கள்.
மற்றொரு படம் மஞ்சள் வெயில் படம் விரைவில் வெளிவரும் என்று நம்புகிறேன் என்றார்.