மீண்டும் வாய்ப்பு கேட்கும் கோபிகா!

என்ன கொடுமை இது? என்கிறீர்களா... கோடம்பாக்கத்தைப் பொறுத்தவரை கல்யாணமாகி வெளிநாடு போகும் நடிகைகள் பெயர் கோலிவுட் பட்டியலிலிருந்து உடனடியாக நீக்கப்படும் என்பது எழுதப்படாத விதி.

கல்யாணம் நிச்சயமான கையோடு, 'இனி நான் எந்தப் படத்திலும் நடிப்பதாக இல்லை. சினிமாவுக்கு பை...' என்று அறிவித்தார் கோபிகா. அதன் விளைவு, கல்யாணத்துக்கு முன்பே பட்டியலிலிருந்து தூக்கப்பட்டுவிட்டது அவரது பெயர்.

இப்போதோ... அயர்லாந்தில் இல்லற வாழ்க்கை போரடிக்கிறதாம் அம்மணிக்கு. சரி... பொழுதை பயனுள்ள வகையில் கழிப்போம் என அஞ்சல் வழியில் சோஷியாலஜி படிக்க முயற்சி செய்தாராம். ஆனால், ஸ்டார்ட்-கேமரா-ஆக்ஷன் என்ற பாஷைக்குப் பழகிவிட்டதால், வேறு எதிலும் மனம் செல்லவில்லையாம்.

இப்போது புதிய போட்டோ ஆல்பத்தை வேண்டப்பட்டவர்களுக்கு அனுப்பி... 'நல்ல வாய்ப்பு, அருமையான கேரக்டர் இருந்தா சொல்லுங்க ப்ளீஸ்... அடுத்த ஃபிளைட் பிடிச்சு வந்திடறேன்!' என செல்லமாகச் சிணுங்கினாராம்.

இத்தனைக்கும் அவரது தங்கை க்ளினியும் சினிமாவில் நுழைவது குறிப்பிடத்தக்கது.