முகப்பு

ஹீரோயின்

ஐஸ்வர்யா தனுஷ் இயக்கும் புதிய பட விவகாரத்தில் ஒரேநாளில் அடுத்தடுத்து திருப்பங்கள் நிகழ்ந்து வருகின்றன.

இன்று காலைதான் இந்தப் படத்திலிருந்து அதன் நாயகி அமலா பால் நீக்கப்பட்டார். தெலுங்குப் படங்களில் நடிக்க அவர் கால்ஷீட் கொடுத்துவிட்டதால், ஐஸ்வர்யா தனுஷின் '3' படத்திலிருந்து அவர் நீக்கப்பட்டதாக அறிவிக்கப்பட்டது.

இந்த நிலையில் இந்தப் படத்தில் தனுஷின் ஜோடியாக ஒப்பந்தமாகியுள்ளார் கமல் மகள் ஸ்ருதிஹாஸன்.

இந்தப் படத்துக்கு முதலில் ஹீரோயினாக தேர்வு செய்யப்பட்டவர் ஸ்ருதிதான். இவரை மனதில் கொண்டே கதையை எழுதியதாக ஐஸ்வர்யா தனுஷ் கூறியிருந்தது நினைவிருக்கலாம்.

ஆனால் தெலுங்கில் பிஸியாக இருப்பதால் இந்தப் படத்தில் நடிக்க முடியவில்லை என ஸ்ருதி தெரிவித்ததால் அமலா ஒப்பந்தம் செய்யப்பட்டார்.

இப்போது, ஸ்ருதியின் தெலுங்குப் படம் ஒன்று இரண்டு மாதங்களுக்கு தள்ளிப் போய்விட்டது. இந்த இடைவெளியில் '3' படத்தில் நடிக்க சம்மதித்துவிட்டார் ஸ்ருதி.

இதைத் தொடர்ந்து 3 படம் மிகப் பெரிய அந்தஸ்தைப் பெற்றுவிட்டது.

பின்னே, சூப்பர் ஸ்டாரின் மகள் இயக்குகிறார், சூப்பர் ஸ்டாரின் மருமகன் ஹீரோவா நடிக்கிறார், உலக நாயகன் கமல்ஹாஸன் மகள் ஹீரோயினாக நடிக்கிறார் என்றால் சும்மாவா!