For Quick Alerts
    ALLOW NOTIFICATIONS  
    For Daily Alerts

    இமேஜை டேமேஜ் பண்றாங்களே...! - வருத்தத்தில் அனகா (எ) அமலா!

    By Shankar
    |

    முறை தவறிய உறவை மையமாக வைத்து எடுக்கப்பட்ட சிந்து சமவெளி படத்தை மீண்டும் வெளியிட்டதன் மூலம் என் இமேஜை டேமேஜ் பண்ணுகிறார்களே என்று வருத்தப்படுகிறாராம் அமலா பால்.

    மைனா, தெய்வத் திருமகள் என நல்ல படங்களில் நடித்து நல்ல பெயரை சம்பாதித்திருந்தாலும், அமலா பால் நடித்த ஆரம்பப் படமான சிந்து சமவெளி ஆபாசப்படம் என்ற பெயரைச் சம்பாதித்து விட்டது.

    மாமனாரை காதலிக்கும் இளம் மனைவியாக அதில் நடித்திருந்தார் அமலா. குடும்ப உறவுகளைச் சீரழிப்பதாகக் கூறி இந்தப் படத்துக்கு கடும் கண்டனங்கள் கிளம்பின.

    இந்தப் படத்தில் ஹீரோயின் அனகா. ஆபாசப் படத்தில் அறுவறுப்பாக நடித்தார் என்று கூறி இவரை சென்னைக்குள் வரவிடாமல் போராட்டமெல்லாம் நடத்தினர். கொஞ்ச நாள் கழித்து சிந்து சமவெளி படம் வந்ததே மக்களுக்கும் போராட்டக்காரர்களுக்கும் மறந்துபோனது. அனகா அமலா பால் ஆகி மைனாவில் நடித்தார்.

    அந்தப் படம் பிரபு சாலமன் இயக்கத்தாலும் உதயநிதி ஸ்டாலின் விளம்பர உத்தியாலும் பெரிய ஹிட்டாகிவிட, அமலா பாலை நோக்கி முன்னணி நட்சத்திரங்கள் வர ஆரம்பித்தனர்.

    இப்போது விக்ரமுடன் நடித்துள்ள தெய்வத் திருமகள் வெளியாகியுள்ளது. அடுத்து ஆர்யாவுடன் நடித்துள்ள வேட்டை வெளிவருகிறது.

    இந்த நேரம் பார்த்துதான், அமலா பாலின் ஆபாசப் படமான சிந்து சமவெளி நேற்று முன்தினம் திடீரென வெளியானது. அதுவும் 5 திரையரங்குகளில் ரீ ரிலீஸ் ஆகியுள்ளது. சிந்து என்ற பெயரை பெரிதாகவும் சமவெளி என்ற வார்த்தையை மிகச் சிறியதாகவும் மாற்றி ஏதோ புதிய மலையாளப் படம் போல என்று கருதும் அளவுக்கு பட போஸ்டரை வடிவமைத்து வெளியிட்டுள்ளனர்.

    சென்னை முழுக்க தெய்வத்திருமகள் போஸ்டர்களோடு சிந்துசமவெளி சுவரொட்டிகளும் ஒட்டப்பட்டுள்ளன

    இதனால் அமலாபால் அதிர்ச்சியடைந்துள்ளார். நல்ல படங்களில் நடித்து நல்ல இமேஜ் உள்ள நேரத்தில் என்னை இப்படி டேமேஜ் பண்ணலாமா, என கண்ணைக் கசக்குகிறாராம்!

    'சிந்து'வில் நடித்தபோது, கதை என்னவென்று தெரியாமலா நடித்தார்... இப்போது கண்ணீர் 'சி்ந்தி' என்ன ஆகப் போகிறது!

    English summary
    The re release of Sami directed Sindhu Samaveli has made Amala Paul very sad. The actress anxiously told that the release of Sindu Samaveli would damage her good image.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X