Don't Miss!
- Automobiles எவ்வளவு பெரிய கிரிக்கெட்டர், குழந்தை போல் ராயல் என்ஃபீல்டு பைக்கில் ரைடு!! ஓட்டி பார்த்த பின் அவர் சொன்னது...
- News பெங்களூர் ராமேஸ்வரம் கஃபே குண்டுவெடிப்பில் முதல் அரெஸ்ட்.. முஸம்மில் ஷரீப் என்பவரை கைது செய்த என்ஏஐ
- Sports RR vs DC : 36-3.. திடீரென உள்ளே புகுந்த அஸ்வின்.. அடுத்தடுத்து பறந்த சிக்சர்கள்.. தப்பிய ராஜஸ்தான்!
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Lifestyle முட்டை வாங்க போறீங்களா? இப்படி பார்த்து வாங்குங்க... இல்லனா பல ஆபத்துக்களை சந்திக்க வேண்டியிருக்கும்...!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
திரிஷாவை அழைக்கிறது போஜ்பூரி!
பாலிவுட், கோலிவுட், டோலிவுட், சான்டல்வுட், மல்லுவுட் என ஏகப்பட்ட மல்லுக்கட்டுகள் இந்தியத் திரையுலகில் கோலோச்சி வருகின்றன. இந்த மாபெரும் மலைகளுக்கு மத்தியில் சின்ன மடுவாக இருந்தாலும், போஜ்பூரி திரையுலகமும் படு பிசியாக இருந்து வருகிறது.
இங்கு நடிக்காத தென்னிந்திய நடிகைகளே இல்லை என்று கூறும் அளவுக்கு ஒரு காலத்தில் தென்னிந்தியாவில் லீடிங்கில் இருந்த நடிகைகள் எல்லாம் இங்கும் போய் பட்டையைக் கிளப்பியுள்ளனர்.
ஒரு கட்டத்தில் நக்மா போஜ்பூரியில் சூப்பர் ஸ்டாரினியாக வலம் வந்தார். பின்னர் ரம்பாவும் போய் நடித்தார். இந்த நிலையில் தற்போது திரிஷாவைத் தேடி போஜ்பூரிக்காரர்கள் ஓலை மேல் ஓலை அனுப்பியவண்ணம் உள்ளனராம்.
எல்லாம் தமிழ், தெலுங்கு, இந்தியைத் தாண்டி வேறு படங்களில் நடிக்கலாம் என்ற முடிவுக்கு திரிஷா வந்ததுதான் காரணம். சமீபத்தில் அவர் தர்ஷனுக்கு ஜோடியாக கன்னடத்தில் ஒரு படத்தில் நடிக்க ஒப்பந்தமாகியுள்ளாராம். இதையடுத்தே போஜ்பூரி படத்தில் நடிக்க அவருக்கு அழைப்பு வந்துள்ளதாம்.
ஆனால் இன்னும் திரிஷா அதுகுறித்து முடிவெடுக்கவில்லை. தென்னிந்தியாவில் பீல்ட் அவுட் ஆனவர்கள்தான் வழக்கமாக போஜ்பூரிக்குப் போகிறார்கள் என்பதால் இப்போதே அந்த நிலைக்கு தான் ஆளாவதை திரிஷா விரும்பவில்லை என்று கூறப்படுகிறது.
இருப்பினும் இனிமேல் தன்னைக் கவரும் கதை இருந்தால் தமிழ், தெலுங்கு தவிர பிற மொழிகளிலும் நடிக்கலாம் என்ற முடிவுக்கு திரிஷா வந்துள்ளதாக தெரிகிறது.
அதானே, நடிப்புச் சேவைக்கு மொழியேது...!