பிரியங்கா பி.ஏ மகனை மணந்தார் டெய்சி போபண்ணா

பிரியங்கா சோப்ராவின் முன்னாள் செயலாளர் பிரகாஷ் ஜாஜுவின்மகன் அமீத்தை மணந்தார் நடிகை டெய்ஸி போபண்ணா.

தமிழில் வெளியான சக்கரவியூகம் என்ற படத்தில் நடித்தவர் இந்த டெய்ஸி. நட்டு என்கிற நடராஜ் ஹீரோவாக நடித்த இப்படத்தில் அவருக்கு ஜோடியாக நடித்திருந்தார் டெய்ஸி.

கர்நாடகத்தைச் சேர்ந்தவரான டெய்ஸி, ஏராளமான கன்னடப் படங்கள் தவிர இந்தி, தெலுங்குப் படங்களிலும் நடித்துள்ளார்.

இவருக்கும் பாலிவுட் நடிகை பிரியங்கா சோப்ராவின் முன்னாள் செயலாளர் பிரகாஷ் ஜஜுவின் மகன் அமீத்துக்கும் திருமணம் நடந்து முடிந்தது.

இந்தூரில் வைத்து இந்தக் கல்யாணம் நடந்தது. டெய்ஸிக்கு பெரிய அளவில் திரைப்பட வாய்ப்புகள் இல்லாததால் கல்யாணத்திற்கு சம்மதித்து அமீத்தை மணந்துள்ளார்.

இருப்பினும் அமீத்தின் தந்தைக்கு திரையுலகில் நல்ல அனுபவம் உள்ளதால் தனது மருமகளை இந்தித் திரையுலகில் பெரிய நடிகையாக்க கடுமையாக முயற்சிப்பார் என்று எதிர்பார்க்கப்படுகிறது.