புதுமுக ஹீரோவுக்கு ஜோடியானார் ரீமா சென்!

By Shankar

Published: Thursday, October 20, 2011, 17:24 [IST]

ஆயிரத்தில் ஒருவன் படத்துக்குப் பிறகு வாய்ப்புகளே இல்லாமல் இருந்த ரீமா சென், ஓட்டல் அதிபரை திருமணம் செய்யப் போவதாக கூறப்பட்ட நிலையில், இப்போது மீண்டும் நடிக்க வந்துள்ளார்.

இந்த முறை அவர் ஒப்புக் கொண்டிருப்பது பிரபல நடிகர், இயக்குநர் படத்தில் அல்ல. புதுமுக நடிகர் பாஸ்கரன் ஹீரோவாக நடிக்க, புதிய இயக்குநர் ராஜ்குமார் இயக்கும் படம் இது.

ஏ ஆர் முருகதாஸிடம் உதவியாளராக இருந்தவர் இந்த ராஜ்குமார். ப்ளூ ஓசியன் பிக்சர்ஸ் தயாரிக்கும் இந்தப் படத்துக்கு இசை ஜிவி பிரகாஷ். பூபதி ஒளிப்பதிவு செய்ய, ஆண்டனி எடிட்டிங்கை கவனிக்கிறார். நவம்பரில் படத்துக்கான போட்டோ ஷூட் நடக்கிறது.

சில தினங்களுக்கு முன், ஜெஜெ டிவி பாஸ்கரன் சினிமாவில் நடிக்கபோவதாக அறிவித்திருந்தார். ஆனால், படத்தின் இயக்குநர், ஹீரோயின் பற்றி எந்த தகவலும் இல்லை. இப்போது தயாராகும் இந்தப் படத்தின் நாயகன் பெயர் பாஸ்கரன்தான். ஆனால் இவர் ஜெஜெடிவி பாஸ்கரனா என்று கேட்டால், கொஞ்சம் வெயிட் என்ு மழுப்புகிறார்கள்!

More from Filmibeat