Click it and Unblock the Notifications
தமன்னா... ரொம்ப ரொம்ப 'காஸ்ட்லிங்னா'!!
கோடம்பாக்கத்தில் காஸ்ட்லி நடிகை என்ற 'நல்ல பெயரை'ப் பெற்றுவிட்டார் தமன்னா.
தமன்னாவுக்கு சம்பளம் பேசும் முன்பே அவரது மூன்று உதவியாளர்களுக்கும் சம்பளம் பேசிவிட வேண்டுமாம். இந்த மூன்று பேருக்கும் தினசரி சம்பளமாக ரூ.10,500 ஐ தயாரிப்பாளரிடம் இருந்து வசூல் செய்து விடுகிறாராம், தமன்னா.
கேடி படத்தின் மூலம் தமிழ் பட உலகுக்கு அறிமுகமான தமன்னா, பாலாஜி சக்திவேலின் கல்லூரி படத்தின் மூலம் பிரபலமானார். அடுத்து தனுஷ் ஜோடியாக படிக்காதவன் படத்தில் நடித்தார். இப்போது நட்சத்திர அந்தஸ்து வந்துவிட்டது அம்மணிக்கு.
வரிசையாக 4 புதுப்படங்களில் நடித்து வருகிறார் தமன்னா. படத்துக்கு படம் தமன்னாவின் அந்தஸ்து, உயர்ந்து கொண்டே வருவது போல் அவருடைய சம்பளமும் உயர்ந்து வருகிறது.
லிங்குசாமி இயக்கும் பையா படத்தில் இருந்து நயன்தாரா விலகிக்கொண்டதும், தமன்னாவுக்கு ஒரு பெரிய தொகையை சம்பளமாக பேசி, ஒப்பந்தம் செய்தார்கள். தனது சம்பளத்துக்கு ஏற்ப, தனது உதவியாளர்கள் சம்பளத்தையும் உயர்த்தி விட்டார் தமன்னா.
தமன்னா தன்னுடன் 3 உதவியாளர்களை படப்பிடிப்புக்கு அழைத்து வருகிறார். அவர்களில் ஒருவர், ஒப்பனையாளர், இன்னொருவர், ஹேர் டிரெஸ்ஸர் (சிகை அலங்கார நிபுணர்), மற்றொருவர் டச் அப் உதவியாளர்.
இந்த மூன்று பேருக்கும் சேர்த்து தினசரி சம்பளமாக ரூ.10,500 ஐ தயாரிப்பாளரிடம் இருந்து வசூல் செய்து விடுகிறார், தமன்னா.
இதுபோக, மும்பையில் இருந்து தமன்னா விமானத்தில் வந்து போக, பிசினஸ் கிளாசில் 2 டிக்கெட்டுகள் கேட்கிறார். (அவருக்கும், அவருடைய தாயாருக்கும் சேர்த்து) இந்த செலவும் தயாரிப்பாளர் தலையில்தான் விழுகிறது. உணவு, தங்குமிடம் என சகலத்திலும் தமன்னாவுக்கு செய்வது போலவே அவர் தாயாருக்கும் செய்ய வேண்டுமாம்.
ஆனால் தொழிலில் தமன்னா தன்னை முழுமையாக ஒப்படைத்து விடுகிறாராம். நேரம் பார்க்காமல் இரவு-பகலாக நடித்தாவது வேலையை முடித்துக் கொடுத்துவிடுகிறாராம்.
அதனால்தான் அவர் கேட்கிற தொகையையும், வைக்கிற செலவையும் பல்லைக் கடித்துக்கொண்டு செய்துவிடுகிறார்களாம் தயாரிப்பாளர்கள்.
Continue with Google