Click it and Unblock the Notifications
போதுமப்பா நியூமராலஜி: மீண்டும் பெயரை மாற்றிய ஈஷா கோபிகர்
பிரபல பாலிவுட் நடிகை இஷா கோபிகர். அவ்வப்போது தமிழிலும் வந்து தலைகாட்டிவிட்டு போவார். நியூமராலஜிபடி பெயரை மாற்றினால் வெற்றி மேல் வெற்றி கிட்டும் என்று யாரோ சொல்ல தனது பெயரை ஈஷா என்று மாற்றினார்.
ஆனால் அப்படியும் ஒன்றும் நடக்காததால் தனது பெயரை மீண்டும் இஷா என்றே மாற்றியுள்ளார்.
இது குறித்து அவர் டைம்ஸ் ஆப் இந்தியாவுக்கு அளித்த பேட்டியில் கூறியதாவது,
நான் எனது பெயரை மறுபடியும் இஷா கோபிகர் என்றே மாற்றியுள்ளேன். நியூமரலாஜி படி தான் ஈஷா என்று மாற்றினேன். போதுமப்பா நியூமராலஜி என்றார்.
தொழில் அதிபரை மணந்த இஷா கோபிகர் தற்போது ராம் கோபால் வர்மாவின் ஷப்ரி என்ற படம் மூலம் பாலிவுட்டில் மறுபிரவேசம் செய்கிறார். இந்த படம் வரும் 26-ம் தேதி வெளியாகிறது.
இஷா மட்டுமல்ல பல நடிகர், நடிகையர்கள் தங்கள் பெயரை நியூமராலஜி படி மாற்றுகிறார்கள் என்பது குறிப்பிடத்தக்கது.
இஷா கோபிகர் என்ற பெயர் ராசியாக இருக்க வாழ்த்துக்கள்!
Continue with Google