முகப்பு

ஹீரோயின்

ஸ்ருதி ஹாசன் கைவசம் 5 படங்கள் உள்ளதாம். இதனால் அவர் படுபிசியாக உள்ளாராம்.

கமல் மகள் ஸ்ருதி ஹாசன் காட்டில் மழை தான். தமிழ், தெலுங்கில் பெரிய படங்களை கையில் வைத்துள்ளார். தமிழில் சூர்யாவுடன் ஏழாம் அறிவு படத்தில் நடித்துள்ளார். அந்த படத்தின் ஆடியோ நாளை வெளியிடப்படுகிறது. படம் அடுத்த மாதம் ரிலீஸ் ஆகும் என்று கூறப்படுகிறது.

இத்தனை பிஸியான நேரத்திலும் ஸ்ருதி ஒஸ்தி படத்தில் ஒரு குத்துப்பாட்டை பாடியுள்ளார். இந்தி படம் தபாங்கின் தமிழ் ரீமேக் தான் ஒஸ்தி. தபாங் டோலிவுட்டுக்கும் போயுள்ளது. அதில் சிரஞ்சீவியின் தம்பி பவன் கல்யாண் ஜோடியாக சோனாக்ஷி சின்ஹா நடித்த கதாபாத்திரத்தில் ஸ்ருதி நடிக்கிறார்.

அந்த படத்திற்கு கப்பார் சிங் என்று பெயரிடப்பட்டுள்ளது. இது தவிர ஜூனியர் என்.டி.ஆருடன் தம்மு மற்றும் சித்தார்த்துடன் ஓ மை பிரண்ட் ஆகிய படங்களில் நடித்து வருகிறார்.

முதலில் பாட ஆரம்பித்தார், பிறகு அப்பா படத்திற்கு மியூசிக் போட்டார், இப்போது படு பிசியாக நடிக்கவும் ஆரம்பித்துள்ளார். நல்ல முன்னேற்றம்தான்...!

'சுருதி' குறையாமல் போனால் சரி!