Click it and Unblock the Notifications
நவ்யாவின் இரட்டை வேடம்!
அழகிய தீயே படம் மூலம் மலையாளத்தில் இருந்து தமிழுக்கு வந்தவர் நவ்யா நாயர். சிதம்பரத்தில் ஒரு அப்பாசாமி, மாயக்கண்ணாடி உள்ளிட்ட படங்களில் நடித்தார். ஆனால் பெரிதாக ஒரு இடம் கிடைத்தபாடில்லை, தமிழில்.
இதனால் மீண்டும் கேரளா சென்று மலையாளத்தில் பிசியாகி விட்டார்.
தற்போது மோகன் லாலுக்கு ஜோடியாக 'யுக புருஷன்' என்ற படத்தில் நடிக்கிறார். மலையாள சரித்திர படமான இதில் அவர் இரட்டை வேடங்களில் திறமை காட்டவிருக்கிறார்.
கதைப்படி அவர் நடுத்தர வயது பெண்ணாகவும், அந்த பெண்ணின் 15 வயது மகளாகவும் நடிக்கவிருக்கிறராம். இரண்டு பாத்திரங்களுக்கும் வித்தியாசம் காட்ட அவர் மிகவும் மெனக்கட்டு உடம்பை குறைத்து வருகிறாராம். இதில் அம்மா நவ்யா வரும் காட்சிகளை முதலில் எடுத்துவிட்டார்கள். மகள் வேடத்துக்காக 15 வயதுப் பெண்ணாகவே நவ்யா மாறிவிட்டாராம்.
படத்தில் அம்மா, மகள் என இரண்டு பாத்திரங்களும் வரும் பாடல் காட்சி ஒன்று இருப்பதாகவும், அதில் தோன்றும் இரண்டு நவ்யாயும் ஒருவரே என படத்தை பார்ப்பவர்களால் நம்ப முடியாது என பட யூனிட் கோவிலில் சூடம் ஏற்றி சத்தியம் பண்ணாத குறையாகச் சொல்கிறார்கள்.
இது நவ்யா இரட்டை வேடத்தில் ஒப்பந்தமாகி இருக்கும் இரண்டாவது படம். இதற்கு முன் 'கண்கள் மறப்பதில்லை' என்ற தமிழ் படத்தில் அவர் இரட்டை வேடத்தில் நடிப்பதாக இருந்தது. ஆனால் அந்த படம் என்ன ஆனதென்றே தெரியவில்லை.
Continue with Google