Click it and Unblock the Notifications
கருத்தம்மா ராஜஸ்ரீ திடீர் திருமணம்!
பாரதிராஜா இயக்கிய கருத்தம்மா படத்தில் கதாநாயகியாக அறிமுகமான ராஜஸ்ரீ சென்னையைச் சேர்ந்த ஜிம் உரிமையாளர் அன்ஸாரி ராஜாவை ரகசிய திருமணம் செய்து கொண்டார். இது காதல் திருமணம் மட்டுமல்ல, கலப்பு மதத் திருமணமும் கூட.
ராஜஸ்ரீயின் இயற்பெயர் மாதவி. கருத்தம்மாவில் அறிமுகமானவர் தொடர்ந்து சேது, நந்தா, ரன், மனசெல்லாம், வேட்டையாடு விளையாடு உட்பட தமிழ், தெலுங்கு, மலையாளம், இந்தி, கன்னடம் ஆகிய மொழிகளில் 57 படங்களில் நடித்துள்ளார்.
ஆலயம், அகல் விளக்கு, மந்திர வாசல், சிவமயம் போன்ற டி.வி தொடர்களிலும் நடித்திருக்கிறார்.
சென்னையிலுள்ள 'பாடி ஷேப்' என்ற ஜிம் உரிமையாளர் அன்ஸாரி ராஜாவை இவர் கடந்த ஒரு வருடமாக காதலித்து வந்தார்.
கடந்த 19-ம் தேதி முஸ்லீம் மத முறைப்படி இருவரும் பதிவுத் திருமணம் செய்து கொண்டனர். அதற்குமுன் காளஹஸ்தி கோயிலுக்குச் சென்று, தெலுங்கு முறைப்படியும் திருமணம் செய்து கொண்டனர். இதில் அவர்களின் நெருங்கிய நண்பர்கள் மட்டுமே கலந்து கொண்டனர். நேற்று முன்தினம் சென்னை திரும்பிய ராஜஸ்ரீ, ரகசிய திருமணம் நடந்ததை தன் பெற்றோரிடம் சொன்னார். அவர்கள் அதிர்ச்சி அடைந்தனர்.
பிறகு வேறு வழியில்லை எனப் புரிந்து மனதை தேற்றிக் கொண்டு வாழ்த்தினர். ரகசியமாக காதல் கலப்புத் திருமணம் செய்துகொண்ட ராஜஸ்ரீ, இனி நடிக்க மாட்டேன் என்றும், தன் திருமண வரவேற்பு நிகழ்ச்சி சென்னையில் விரைவில் நடைபெறும் என்றும் கூறியுள்ளார்.
Continue with Google