களரி கற்கும் ஆசின்!

By Staff

| Published: Monday, March 23, 2009, 17:50 [IST]

19 ஸ்டெப்ஸ் படத்துக்காக களரி சண்டையைக் கற்றுக் கொள்ளப் போகிறாராம் ஆசின்.

இந்தியில் பிசியாகி விட்ட ஆசின் தற்போது சல்மான்கானுடன் லண்டன் ட்ரீம்ஸ் படத்தில் நடித்து வருகிறார். அடுத்து அஜய் தேவ்கனுடனும் நடிக்கப் போகிறார்.

இதைத் தொடர்ந்து பரத் பாலா இயக்கத்தில் புதிய 19 ஸ்டெப்ஸ் என்ற படத்தில் நடிக்கவுள்ளார். இப்படத்தை ஒரே நேரத்தில் ஆங்கிலம், தமிழ், ஜப்பான் ஆகிய மொழிகளில் உருவாக்குகின்றனர்.

இப்படத்தில் கமல்ஹாசன் கவுரவ வேடத்தில் நடிக்கிறார். ஜப்பான் நாயகன் ஒருவரும் படத்தில் வருகிறார். அவருக்கு ஜோடியாக நடிக்கவுள்ளார் ஆசின்.

கதைப்படி களரி தெரிந்த நாயகியாக வருகிறார் ஆசின். ஆனால் உண்மையில் களரி என்று எழுதிக் காட்டினால் படிக்க மட்டுமே தெரியுமாம் ஆசினுக்கு.

இதனால் படத்தில் கேரக்டர் தத்ரூபமாக இருக்க வேண்டும் என்பதற்காக களரி கற்கப் போகிறார் ஆசின். கேரளாவில் வந்து பயிற்சி மேற்கொள்ள விரும்பிய அவர் கோழிக்கோடு வந்து பிரத்யேக பயிற்சியில் ஈடுபடப் போகிறாராம்.

ஏ வெட்னஸ்டே படத்தின் தமிழ், தெலுங்குப் பதில் நீங்கள் கமலுடன் இணைந்து நடிக்கிறீர்களாமே என்று கேட்டால், அதெல்லாம் இல்லை, அப்படி ஒரு வாய்ப்பு எனக்கு வரவில்லை என்கிறார் ஆசின்.