Don't Miss!
- News லோக்சபா தேர்தலில் சொதப்பும் பாஜக? 5 நாளாக பிரசாரம் செய்யாத பிரதமர் மோடி.. என்ன காரணம்? பின்னணி
- Sports தோனி இனி பேட்டிங் ஆடவே மாட்டார்? சிஎஸ்கே எடுத்த முடிவு.. பெரும் ஏமாற்றம்.. காரணம் இதுதான்
- Travel தமிழ்நாட்டுக்குள் இருக்கிற தாஜ்மஹாலுக்கு நீங்க போய் இருக்கீங்களா – தாய்க்காக தாஜ்மஹால் கட்டிய மகன்!
- Lifestyle இந்தியாவிலிருந்து ஆங்கிலேயர்கள் திருடிட்டு போன விலைமதிப்பில்லாத பொக்கிஷங்கள்... இதோட மதிப்பு என்ன தெரியுமா?
- Automobiles காருக்கு இன்சூரன்ஸ் எடுக்கும் போது இதெல்லாம் செக் பண்ணலேன்னா காசெல்லாம் வீணா போயிடும்!
- Finance தேர்தலில் போட்டியிட பணமில்லாத நிர்மலா சீதாராமன் சொத்து மதிப்பு என்ன தெரியுமா..?
- Technology ரூ.17,000 பட்ஜெட்ல பரபரப்பு! 70W சார்ஜிங், 6000mAh பேட்டரி, 24GB ரேம், 1TB மெமரி, 5G ஆதரவு.. ஏப்.4 முதல் SALE!
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
இதோ, இன்னொரு ஹீரோ
இளம் இயக்குநர் விஷ்ணுவர்த்தனே பார்க்க ஹீரோ சாயலில்தான் இருக்கிறார். இந்த நிலையில் தனது தம்பி கிருஷ்ணாவை ஹீரோவாக்கியுள்ளார் விஷ்ணு.
அலிபாபா என்ற படம் மூலம் நாயகனாகிறார் கிருஷ்ணா. விஷ்ணுவிடம் உதவியாளராக இருந்த நீலன் ஜி.சேகர், இப்படத்தை இயக்கவுள்ளார்.
சண்டிகரைச் சேர்ந்த அழகிய ஜனனி இப்படத்தில் ஹீரோயினாக நடிக்கிறார். இவரது இயற்பெயர் ஷெரீன். ஆனால் ஏற்கனவே இப்பெயரில் ஒரு அழகிய ராட்சசி இருப்பதால், சண்டிகர் அழகியின் பெயரை ஜனனி என மாற்றி விட்டனர்.
ஜனனிக்கு கேமரா புதிதில்லையாம். ஏற்கனவே சில விளம்பரப் படங்கள் தலை காட்டியுள்ளாராம்.
படத்தில் பிரகாஷ் ராஜ், மலையாளத்து திலகன், பிஜு மேனன் ஆகியோரும் உள்ளனர்.
கிருஷ்ணா எம்.பி. ஏ படித்தவர். மணிரத்தினத்தின் அஞ்சலி படத்தில் குட்டிப் பையனாக வந்தவர்களில் இவரும் ஒருவராம்.
படம் குறித்து இயக்குநர் சேகர் கூறுகையில், இந்தப் படத்தின் கதைக்கு கிருஷ்ணதான் பொருத்தமான நாயகன். அவர் அமெரிக்காவில் எம்.பி.ஏ படித்தபோது பல தமிழ் மற்றும் பிரெஞ்சு நாடகங்களில் நடித்துள்ளார். திறமையான ஒளிப்பதிவாளரும் கூட என்றார்.
கிருஷ்ணா நல்ல டான்சரும் கூடவாம். வேட்டையாடு விளையாடு படத்தில் கமலுக்காக ஒரு நடனத்தையும் வடிவமைத்துள்ளாராம்.
எல்லாம் சரி, அலிபாபா என்ற பெயர் வைக்க என்ன காரணம் என்று சேகரிடம் கேட்டால், விசேஷமாக எதுவும் இல்லை. பிடித்த மாதிரி இருந்தது வைத்து விட்டோம். அதிர்ஷ்டக்காரன் என்ற அர்த்தம் வருவது போலவும் தெரிந்ததால் அதை வைத்துள்ளோம் என்றார்.
வித்யாசாகர் இசையமைக்கிறார். கிருஷ்ண, விஷ்ணுவின் தந்தையான பட்டியல் சேகர்தான் இப்படத்தை தயாரிக்கிறார். ஜூன் இறுதியில் படம் திரைக்கு வருகிறதாம்.