Click it and Unblock the Notifications
ப்ரீதா பின்டோவுக்கு இன்னொரு ஹாலிவுட் படம்
பிரபல இயக்குநர் உடி ஆலன் இயக்கப் போகும் புதிய படத்தில் பிரீதா நடிக்கவுள்ளார்.
இதுகுறித்து பிரீதாவின் சகோதரி ஷரோன் பின்டோ கூறுகையில், உட்டி ஆலன் படத்தி்ல் நடிக்கவுள்ளார் பிரீதா. தற்போது தனது ஹாலிவுட் வாய்ப்புகள் குறித்து தனது லாஸ் ஏஞ்சலெஸ் ஏஜென்ட்டுடன் பிசியாக ஆலோசித்துக் கொண்டிருக்கிறார் என்றார்.
ஆனி ஹால், கிரைம்ஸ், மிஸ்டெமனூர்ஸ், ஹஸ்பன்ட் அன்ட் வைப்ஸ், புல்லட்ஸ் ஓவர் பிராட்வே உள்ளிட்ட பல்வேறு படங்களை இயக்கியவர் ஆலன்.
மியா பாரோ என்பவர் ஆலனின் முன்னாள் மனைவி ஆவார். இருவரும் விவாகரத்து செய்து கொண்டு விட்டனர். விவாகரத்துக்கான காரணமாக பாரோ நீதிமன்றத்தில் கூறிய காரணம் அப்போது பரபரப்பை ஏற்படுத்தியது.
தங்களது வளர்ப்பு மகள் ஒருவருடன், ஆலன் தவறான உறவு வைத்திருந்தார் என்று கோர்ட்டில் கூறி விவாகரத்து பெற்றார் பாரோ.
இப்படி தனிப்பட்ட வாழ்க்கையில் ஆலன் தடம் புரண்டிருந்தாலும் கூட, திரையுலகில் அவருக்கென்று பெரிய பெயர் உள்ளது. சிறந்த வசனகர்த்தாவாகவும் அறியப்பட்டவர் ஆலன் என்பது குறிப்பிடத்தக்கது.
ஆலனை விடுவோடம், பிரீதா இப்போது லாஸ் ஏஞ்சலெஸில் படு பிசியாக இருக்கிறாராம். ஒரே பேட்டி, புகைப்படங்களுக்கு போஸ் கொடுப்பது என ஓடிக் கொண்டிருக்கிறார்.
ஆஸ்கர் விருதுகளைக் குவித்த படத்தின் நாயகி என்பதால் அவரது பேட்டி எடுக்க அமெரிக்க மீடியாக்கள் மும்முரமாக
உள்ளன.
அவரது நிலை எங்களுக்குப் புரிகிறது. அவர் சுதந்திரமாக இருக்க வேண்டிய நேரம் வந்து விட்டது. எனவே நாங்களும் அவரைத் தொந்தரவு செய்யவில்லை. தொடர்ந்து போனில் பேசிக்கொண்டு மட்டும் இருக்கிறோம் என்கிறார் ஷரோன்.
Continue with Google