முகப்பு

ஹீரோயின்

கோ படம் அந்த ஓட்டம் ஓடியும் அதில் நடித்த பியாவுக்கு மட்டும் இன்னும் விடிவு காலம் பிறக்கவில்லை. தொடர்ந்து தமிழில் வாய்ப்புகள் வராததால், அப்செட் ஆகாத பியாவுக்கு மலையாளத்தில் கதவு திறக்கவே அங்கு நடிக்கப் போயுள்ளார்.

கோவா, கோ என தொடர்ந்து கவனிக்கப்பட்ட படங்களில் நடித்து வந்தபோதும் கூட பியாவுக்கு தமிழில் வாய்ப்புகள் வருவது பெரும் அரிதாக மாறி விட்டது. கோ படம் பிரமாண்டமான வெற்றியைப் பெற்றும் கூட தமிழில் புதிய பட வாய்ப்புகள் பியாவுக்கு வரவில்லையாம். இதனால் அடுத்து என்ன செய்யலாம் என்று ஐஸ்கிரீம் சாப்பிட்டபடி யோசித்துக் கொண்டிருந்த பியாவுக்கு இப்போது மலையாளத்தில் ஒரு வாய்ப்பு வந்துள்ளது.

சுப்பிரமணியபுரம் பட இயக்குநர் சசிக்குமார், பி்ருத்விராஜ் உள்ளிட்டோர் நடிக்கும் மாஸ்டர்ஸ் படத்தில் நடிக்கும் அந்த வாய்ப்பு தன்னைத் தேடி வந்தபோது உற்சாகத்துடன்ஓ.கே சொல்லி விட்டாராம் பியா.

இந்தப் படத்தில் தனக்கு நல்ல கேரக்டர் என்று கூறியுள்ள பியா, தமிழில் நல்ல வாய்ப்புகள் வந்தால் நிச்சயம் நடிப்பேன் என்றும் ஆறுதலாக கூறி வைத்தார்.

பியா நடிக்கலையேன்னு யாராவது கவலையில் இருக்கீங்களா...