இன்னும் 10 தான் இருக்கு.. இன்ஸ்டாகிராமில் சமந்தா பகிர்ந்த தகவல் எதப்பத்தி சொல்லியிருக்காங்க பாருங்க!

நடிகை சமந்தா

நடிகை சமந்தா தொடர்ந்து சிறப்பான கேரக்டர்களில் நடித்து வருகிறார். விஜய், சூர்யா உள்ளிட்ட முன்னணி நடிகர்களுடன் தமிழில் நடித்துள்ள இவர், இதே போல தெலுங்கிலும் முன்னணி நடிகர்களுடன் இணைந்து நடித்துள்ளார். தற்போது இவரது நடிப்பில் யசோதா படம் தமிழ், தெலுங்கு உள்ளிட்ட மொழிகளில் பான் இந்தியா படமாக ரிலீசாக உள்ளது.

வரவேற்பை பெற்ற கதீஜா கேரக்டர்

சமீபத்தில் இவரது நடிப்பில் தமிழில் வெளியான காத்து வாக்குல ரெண்டு காதல் படத்தில் விஜய் சேதுபதி, நயன்தாராவுடன் இணைந்து நடித்திருந்தார் சமந்தா. விக்னேஷ் சிவன் இயக்கத்தில் வெளியான இந்தப் படத்தில் கதீஜா என்ற கேரக்டரில் சமந்தா நடித்திருந்தார். மற்றவர்களை காட்டிலும் படத்தில் இந்தக் கேரக்டர் ரசிகர்களை வெகுவாக கவர்ந்துள்ளது.

இந்தியில் வரவேற்பு

இந்தியிலும் தி பேமிலி மேன் 2 சீரிசில் ராஜி என்ற கேரக்டரில் நடித்து இந்திய அளவில் பிரபலமாகியுள்ளார் சமந்தா. இடையில் அவரது விவாகரத்து அறிவிப்பு அவரை பலகீனப்படுத்திய போதிலும் தன்னுடைய கேரியரை அது பாதிக்காதவண்ணம் பார்த்துக் கொண்டார். தொடர்ந்து அடுத்தடுத்த படங்களில் கமிட்டாகி வருகிறார்.

சமூக வலைதளங்களில் ஆக்டிவ்

சமூக வலைதளங்களிலும் மிகவும் ஆக்டிவாக காணப்படுகிறார் சமந்தா. தொடர்ந்து தனது படங்களின் அப்டேட்களை மட்டுமில்லாமல் புகைப்படங்கள், வீடியோக்கள், போட்டோஷுட் புகைப்படங்கள் என அனைத்தையும் பகிர்ந்து வருகிறார். இவரை ஏராளமான ரசிகர்கள் இன்ஸ்டாகிராமில் பாலோ செய்து வருகின்றனர்.

பளு தூக்கும் பயிற்சி

தொடர்ந்து தான் செய்யும் வொர்க் அவுட் வீடியோக்களையும் சமந்தா பகிர்ந்து வருகிறார். அதன்படி தற்போது வெயிட் தூக்கும் வீடியோ ஒன்றை தனது இன்ஸ்டாகிராம் ஸ்டோரியில் பகிர்ந்துள்ளார். இதில் 90 கிலோவை தூக்கிவிட்டதாகவும் இன்னும் 10 தான் பாக்கி என்றும் தெரிவித்துள்ளார்.

அதிகரிக்கும் மனோபலம்

தன்னுடைய உடல் அழகை பராமரிப்பதில் எந்தவிதமான சமரசமும் செய்துக் கொள்ள மாட்டார் சமந்தா. இது அவர் தொடர்ந்து பகிர்ந்து வரும் வீடியோக்கள் மூலம் தெரியவருகிறது. இதன்மூலம் தனது மனோபலமும் அதிகரிப்பதாகவும் அவர் தொடர்ந்து கூறி வருகிறார்.