மாதக்கணக்காய் ஆயுர்வேத சிகிச்சை.. ஆண்ட்ரியாவுக்கு அப்படி என்ன கடுமையான மன அழுத்தம்?

ஒதுங்கிவிட்டாரா?

இதனால் அவருக்கு என்ன ஆனது? ஆண்ட்ரியா சினிமாவைவிட்டு ஒதுங்கிவிட்டாரா என்ற கேள்வி எழுந்தது. இந்நிலையில் தனக்கு என்ன ஆனது என்பது குறித்து ஆண்ட்ரியா சமூக வலைதளத்தில் பதிவிட்டுள்ளார்.

மனரீதியாக பாதிப்பு

அதாவது, தனக்கு இருந்த மன அழுத்தம், உடல் மற்றும் மனரீதியாக பெரும் பாதிப்பை ஏற்படுத்தியது. இதன்காரணமாகவே சில காலம் நடிப்பில் இருந்து விலகியிருந்ததாக கூறியுள்ளார்.

சிகிச்சை கஷ்டம்

இந்த பிரச்சனையில் இருந்து விடுபட ஆயுர்வேத சிகிச்சை எடுத்ததாகவும். காபி குடிக்கும் பழக்கத்துக்கு அடிமையாக இருந்த தனக்கு ஆயுர்வேத சிகிச்சை எடுப்பது கஷ்டமாக இருந்ததாகவும் தெரிவித்துள்ளார்.

பலவீனமான இதயம்

இருப்பினும் பிரச்சனை தீர கஷ்டப்பட்டு மருத்துவமுறையை பின்பற்றியதாகவும் கூறியுள்ளர் ஆண்ட்ரியா. அந்த சிகிச்சை முறை பலவீனமான இதயம் உள்ளவர்களால் கடைப்பிடிக்க முடியாது.

மருத்துவர்கள் ஆலோசனை

எனக்கு சிகிச்சை பெறுவது மிகவும் கஷ்டமாக இருந்ததால் சிகிச்சையின்போது அங்கிருந்து வெளியேறி விட நினைத்தேன். ஆனாலும் அந்த உணர்வில் இருந்து மீண்டு மருத்துவர்கள் ஆலோசனையை பின்பற்றி நடந்தேன் என்றும் கூறியுள்ளார் ஆண்ட்ரியா.

என்ன காரணம்?

தற்போது தன்னை புதிதாக உணரமுடிகிறது என்று கூறியுள்ள ஆண்ட்ரியா, தனக்கு சிகிச்சையளித்த மருத்துவ குழுவினருக்கு நன்றி தெரிவித்துள்ளார்.ஆனால் அவருடைய மன அழுத்தத்திற்கு காரணம் என்ன என்று அவர் தெரிவிக்கவில்லை.

லிப் லாக் புகைப்படங்கள்

ஒரு வழியாக மீண்டு வந்து விட்டார் ஆண்ட்ரியா. முன்னதாக தன்னை விட வயதில் சிறியவரான இசையமைப்பாளர் அனிருத்துடன் நெருக்கமாக இருந்த மற்றும் லிப் லாக் புகைப்படங்கள் வெளியாகி பரபரப்பை ஏற்படுத்தியது குறிப்பிடத்தக்கது.