பட்டுப் புடவையும் குட்டி பப்பியும்.. நடிகை அஞ்சலி போலோ உடன் எடுத்த க்யூட் புகைப்படங்கள்!

நேரடியாக தெலுங்கு திரைப்படம்

அறிமுகமான முதல் படத்திலிருந்தே வித்தியாசமான கதைகளைத் தொடர்ந்து ஏற்று நடித்து வரும் நடிகை அஞ்சலி தென்னிந்தியாவின் மிகப் பிரபலமான முன்னணி நடிகையாக உள்ளார். தமிழ் மட்டுமல்லாமல் தெலுங்கு,மலையாளம் உள்ளிட்ட மொழிகளிலும் நடித்து வருகிறார். பிரம்மாண்ட படங்களை இயக்கிய தமிழ் சினிமாவை உலகத் தரத்திற்கு உயர்த்தி இயக்குனர் ஷங்கர் இப்பொழுது நேரடியாக தெலுங்கு திரைப்படம் ஒன்றை இயக்குகிறார்

முக்கிய வேடத்தில்

தெலுங்கில் முன்னணி கதாநாயகனாக வலம் வந்து கொண்டிருக்கும் ராம் சரண் நடிப்பில் உருவாகும் இந்தப் படத்தில் பெரும் நட்சத்திர பட்டாளங்கள் நடிக்க நடிகை அஞ்சலியும் இதில் முக்கிய வேடத்தில் நடிக்க ஒப்பந்தமாகியுள்ளார். இதன் படப்பிடிப்பு ஹைதராபாத்தில் விறுவிறுப்பாக நடைபெற்றுக் கொண்டுள்ளது. கதாநாயகியாக கியாரா அத்வானி நடித்து வருகிறார்.

ராம் இயக்கத்தில் புதிய திரைப்படத்தில்

கற்றது தமிழ் தொடங்கி இயக்குனர் ராம் இயக்கத்தில் தரமணி மற்றும் பேரன்பு வரை தொடர்ந்து ஒவ்வொரு படங்களிலும் கதாநாயகியாக நடித்து வரும் அஞ்சலி இப்பொழுது மீண்டும் ராம் இயக்கத்தில் புதிய திரைப்படத்தில் நடிக்க ஒப்பந்தமாகியுள்ளார். நிவின் பாலி கதாநாயகனாக நடிக்கும் புதிய திரைப்படத்தை இயக்குனர் ராம் இயக்கி வர இதன் படப்பிடிப்பு தனுஷ்கோடியில் விறுவிறுப்பாக நடைபெற்று வருகிறது.

Recommended Video

Surya Jyothika ரொம்ப பிடிக்கும் | Actress Anjali Nair Excluisve | Filmibeat Tamil

பட்டுப்புடவையில் போலோ பப்பியுடன்

தமிழ் மற்றும் மலையாளம் என இரு மொழிகளிலும் உருவாகும் இந்த படத்தில் நிவின் பாலி மற்றும் அஞ்சலி இலங்கை தமிழராக நடிக்கின்றனர் என கூறப்படுகிறது. இதற்கிடையில் பூச்சாண்டி,காண்பது போய் உள்ளிட்ட படங்கள் அஞ்சலிக்கு அடுத்தடுத்து ரிலீஸ் ஆக இருக்க உள்ளது. இந்த நிலையில் பட்டுப்புடவையில் செல்லமாக வளர்க்கும் போலோ பப்பி குட்டியுடன் கொஞ்சி விளையாடும் க்யூட் புகைப்படங்களை இப்பொழுது பகிர்ந்துள்ளது வைரலாகி வருகிறது.