மினுமினுக்கும் மூக்குத்தி..தமிழ் நடிகைகளின் நியூ சேலஞ்ச்.. அதுல்யாவின் அட்டகாசமான புகைப்படம்!

செடிகளை நட்டு

சில மாதங்களுக்கு முன்பு கிரீன் இந்தியா சேலஞ்ச் இந்திய அளவில் ட்ரண்டாகி கோலிவுட் முதல் பாலிவுட் வரை பெரும்பான்மையான நடிகர் நடிகைகள் தங்களது வீடுகளில் செடிகளை நட்டு எடுத்துக்கொண்ட புகைப்படத்தை சமூக வலைதளங்களில் வெளியிட்டு சேலஞ்சை வெற்றிகரமாக நடத்தி அனைவரின் பாராட்டுகளை பெற்றனர்.

தெலுங்கு சூப்பர் ஸ்டார்

இதில் சுவாரஸ்யமான பல விஷயங்கள் நடக்க தெலுங்கு சூப்பர் ஸ்டார் மகேஷ் பாபு, தமிழ் சூப்பர் ஸ்டார் விஜய் க்கு கிரீன் இந்தியா சேலஞ்சை செய்து காட்டும்படி சவால் கொடுக்க அதை ஏற்றுக் கொண்ட விஜய் வீட்டுத் தோட்டத்தில் ஒரு செடியை நட்டு அந்தப் புகைப்படம் இன்டர்நெட்டில் பகிர அது வேற லெவல் வைரலாகி இணைய தளத்தை தெறிக்கவிட்டது.

புதிய சேலஞ்ச்

இவ்வாறு பல சேலஞ்கள் சமூக வலைத்தளங்களில் அவ்வப்போது முளைத்து வரும் நிலையில் சமீபத்தில் வெளியான மூக்குத்தி அம்மன் திரைப்படத்தை மையமாகக் கொண்டு இப்பொழுது புதிய சேலஞ்ச் ஒன்று உருவாகியுள்ளது.

மினுக்கும் மூக்குத்தி

அதாவது கிரீன் இந்தியா சேலஞ்ச் எப்படி செடிகளை நட்டு அந்த புகைப்படங்களை சமூக வலைதளத்தில் வெளியிட வேண்டுமோ அதேபோல மூக்குத்தி அம்மன் திரைப்படத்தில் வரும் நயன்தாராவைப் போல மினுக்கும் மூக்குத்தி ஒன்றை அணிந்து கொண்டு அந்தப் புகைப்படத்தை சமூக வலைதளத்தில் வெளியிட வேண்டும்.

அட்டகாசமான லுக்கில் அதுல்யா

இவ்வாறு மூக்குத்தி அம்மன் சேலஞ்ச் இப்பொழுது தமிழ் நடிகைகள் இடையே பிரபலமாகி வரும் நிலையில், அதில் நடிகை அதுல்யா வைரம் போன்று மினுக்கும் மூக்குத்தி ஒன்றை அணிந்து கொண்டு அட்டகாசமான லுக்கில் பிளாக் அண்ட் வைட் புகைப்படத்தை வெளியிட்டதோடு அதில் நடிகை இந்துஜா, ஆர் ஜே பாலாஜி, மற்றும் ஸ்மிர்தி வெங்கட் உள்ளிட்டோருக்கு மூக்குத்தி அம்மன் சவாலை செய்து காட்டும்படி சவால் ஒன்றை விடுத்திருக்கிறார். நடிகை வாணி போஜன், மேகா ஆகாஷ், விஜே பார்வதி, ஆத்மிகா என பலரும் இந்த சேலஞ்சை செய்து காட்டி அந்த புகைப்படங்களை இன்ஸ்டாகிராம் உள்ளிட்ட சமூக வலைத்தளத்தில் பதிவிட்டதையடுத்து இப்பொழுது கோலிவுட்டில் மூக்குத்தி அம்மன் சேலஞ்ச் பிரபலமாகி வருகிறது.