ஜெனிலியா வெறித்தனமான டான்ஸ்... கணவருடன் சண்டை, கியூடெனஸ் ஓவர்லோடட்

ஹாசினி - ரசிகர்களின் கனவுக் காதலி

பாய்ஸ் படத்திற்கு பிறகு ஜெனிலியா நடித்து தமிழில் வெளியான படம் சந்தோஷ் சுப்ரமணியம். அந்த படத்தில் ஜெனிலியா மிகவும் க்யூட்டான நடிப்பை வெளிப்படுத்தியிருப்பார். படம் பார்த்து முடித்ததும் இப்படி ஒரு பெண் நமக்கு காதலியாக அமைந்தால் நன்றாக இருக்கும் எனும் எண்ணம் வரும். அதில் அவர் வெளிப்படுத்திய அப்பாவித்தனமான நடிப்பை ரசிகர்கள் வெகுவாக ரசித்தார்கள். அதற்கு கியூடெனஸ் ஓவர்லோடெட் என அன்பாக அழைத்தார்கள்.

தெலுங்கில் முன்னணி கதாநாயகி

ஜெனிலியா தமிழில் அறிமுகமானாலும் தெலுங்கில் அதிக படங்களில் நடித்து முன்னணி கதாநாயகியாக சிலகாலம் வலம் வந்தார். ஜூனியர் என்டிஆர் அல்லு அர்ஜுன் ராம் சரண் போன்ற முன்னணி ஹீரோக்களுடன் ஜோடியாக நடித்துள்ளார். அவர் க்யூட் நடிப்பிற்கு தமிழில் எப்படி ரசிகர்கள் இருக்கிறார்களோ அது போலவே தெலுங்கிலும் ஒரு பெரும் ரசிகர் பட்டாளம் இருக்கிறது.

மராத்தியில் அறிமுகமாகும் ஜெனிலியா

தமிழ் தெலுங்கு ஹிந்தி கன்னடம் என 4 மொழிகளிலும் பல படங்களில் நடித்து பல வெற்றிப்படங்களை கொடுத்து முதல் முறையாக மராத்தியில் கதாநாயகியாக அறிமுகமாகிறார். இதற்கு முன் 2018 ஆம் ஆண்டு மராத்தி மொழிப் படமான மாலி என்ற படத்தில் கௌரவ வேடத்தில் நடித்துள்ளார். அந்த படத்தை அவரே தயாரித்து உள்ளார் என்பது குறிப்பிடத்தக்கது.

எங்க ஆட்டம் வெறித்தனம்

ஜெனிலியா இன்ஸ்டாகிராமில் வெளியிட்ட புதிய வீடியோவில் கணவருடன் வெறித்தனமான டான்ஸ் ஆடியிருக்கிறார். புஷ்பா படத்தின் பாடலுக்கு ஜெனிலியா கணவர் நிதானமாக ஆட ஆரம்பிக்க உடனே பாடல் மாறுகிறது. அந்த பாடலுக்கு ஜெனிலியா எந்தக் கட்டுப்பாடும் இல்லாமல் வெறித்தனமாக ஆடுகிறார். அவரைப் பார்த்து அவரது கணவரும் அதே போல ஆட, பார்ப்பதற்கு கியூடெனஸ் ஓவர்லோடு என்று சொல்லத் தோன்றுகிறது. தற்போது இந்த வீடியோ வலைத்தளங்களில் வைரலாகி வருகிறது.