பிலிம் ஃபேர் விருதில் அனைவரையும் மயக்கிய ஹன்சிகா.. எப்படி வந்தாங்க தெரியுமா?

சின்ன குஷ்பூ ஹன்சிகா

சின்ன குஷ்பூ என்ற பெயரை ரசிகர்களிடையே பெற்றுள்ளார் நடிகை ஹன்சிகா. ஆரம்பத்தில் இவர் நடிக்க வந்தபோது கொழுக் மொழுக் என்று தமிழக ரசிகர்களின் விருப்பத்திற்கிணங்கத்தான் இருந்தார். ஆனால் தற்போது தன்னுடைய உடலை குறைத்து மாறுபட்ட லுக்கில் காணப்படுகிறார்.

சிறப்பான படங்கள்

தமிழ், தெலுங்கு, இந்தி என அடுத்தடுத்த சிறப்பான படங்களில் நடித்துவந்தார் ஹன்சிகா. விஜய், ஜெயம் ரவி உள்ளிட்ட முன்னணி நடிகர்களுடன் இவர் நடித்து வெளியான பல படங்கள் ரசிகர்களை கட்டிப் போட்டன. குழந்தைத்தனமான கொஞ்சலான நடிப்பில் இவரது நடிப்பு சிறப்பாக ரசிகர்களை கவர்ந்தது.

சிம்புவுடன் படம்

அரண்மனை படத்தின் இரண்டு பாகங்களில் பேயாகவும் நடித்து ரசிகர்களை கவர்ந்தார். தொடர்ந்து சிம்புவுடன் காதல் என சர்ச்சைகளில் சிக்கினார். தொடர்ந்து பிரேக் அப் ஆனதாகவும் கூறப்பட்டது. ஆனால் அந்த சர்ச்சைகளில் இருந்து வெளியான ஹன்சிகா, சமீபத்தில் அவருடனேயே இணைந்து நடித்தார்.

அடுத்தடுத்த படங்கள்

சிம்புவுடன் இவர் நடிப்பில் சமீபத்தில் மஹா படம் வெளியானது. இந்தப் படம் கலவையான விமர்சனங்களை பெற்ற நிலையிலும் ஹன்சிகாவின் நடிப்பு சிறப்பான கமெண்ட்ஸ்களை பெற்றது. அடுத்ததாக ஹன்சிகா நடிப்பில் பார்ட்னர், 105 மினிட்ஸ், மை நேம் ஈஸ் ஸ்ருதி, ரவுடி பேபி உள்ளிட்ட படங்கள் கைவசம் உள்ளன.

பிலிம் ஃபேர் விழாவில் ஹன்சிகா

இந்நிலையில் ஹன்சிகா நேற்றைய தினம் நடைபெற்ற பிலிம் ஃபேர் விருது வழங்கும் நிகழ்ச்சியில் சிறப்பான மெரூன் நிற கவுனில் வந்து அனைவரையும் அசத்தினார். அதற்கு ஏற்றாற்போல அவருடைய ஹேர்ஸ்டைல் மற்றும் கண்களில் போடப்பட்ட மேக்கப் உள்ளிட்டவை அனைவரையும் கவர்ந்தது.