விவாகரத்துக்குப் பிறகு மீண்டும் நடிக்க வரும் லிஸி!

விக்ரம் படத்தில் கமல் ஜோடியாக அறிமுகமாகி, தொடர்ந்து சில தமிழ்ப் படங்களில் நடித்தவர் லிஸி. மலையாளத்தில் முன்னணி நடிகையாகத் திகழ்ந்தவர்.

50க்கும் மேற்பட்ட படங்களில் நடித்த பிறகு பிரபல இயக்குநர் பிரியதர்ஷனை திருமணம் செய்துகொண்டார்.

திருமணத்துக்குப் பிறகு, 80களில் நடித்த ஹீரோ ஹீரோயின்களை ஒருங்கிணைத்து அவர்களின் கடந்த கால நினைவுகளைப் பகிர்ந்து கொள்ளும் வகையில் விருந்து நிகழ்ச்சிகள் நடத்தி வந்தார்.

திருமண வாழ்க்கை கசந்ததால் கடந்த ஆண்டு விவாகரத்து பெற்ற லிஸி, நீண்ட இடைவெளிக்குப் பிறகு மீண்டும் நடிக்க வருகிறார்.

'இட்வெலக்கு ஷேஷம்' என்னும் மலையாள படத்தில் ஹோமியோபதி மருத்துவராக நடிக்க இருக்கிறார் லிஸி. திலக் ராஜ் என்னும் புதுமுக இயக்குநர் இப்படத்தை இயக்குகிறார்.

எர்ணாகுளத்தில் விரைவில் படப்பிடிப்பு துவங்குகிறது.