Don't Miss!
- News யோசிக்கவேயில்லை.. அண்ணாமலை அப்பதான் விபூதி வெச்சாரு.. அதுக்குள்ள குபீர்னு ரூ.500.. நம்ம கோவையில்தான்
- Technology டீஸரே மிரளுது.. உலக ரசிகர்களை வியப்படைய செய்த Nothing.. புதுசா 2 ப்ராடக்ட்.. என்னென்ன எதிர்பார்க்கலாம்?
- Lifestyle பழங்கால போட்டோக்களில் யாராவது சிரிச்சு நீங்க பாத்திருக்கீங்களா? பார்த்திருக்க வாய்ப்பேயில்லை... ஏன் தெரியுமா?
- Finance சென்செக்ஸ்: வருடத்தின் கடைசி நாள் ரூ.128.8 லட்சம் கோடி லாபம்.. பண மழையில் முதலீட்டாளர்கள்..!!
- Travel 2050 வருஷம் வருறதுக்குள்ள உலகத்துல உள்ள இந்த அழகான இடங்கள் எல்லாம் கடலுக்குள்ள போயிடுமாம்!
- Automobiles மாருதியின் இந்த கார்களின் டேங்கை ஃபுல் பண்ணா 1,200கிமீ போகலாமா.. இதுக்காக பிரச்சாரம் செய்யவே தொடங்கிட்டாங்க!
- Sports SRH vs GT : பல்தான்ஸ்.. நமக்கு இவ்வளவு பெரிய சோதனை வந்தது ஏன்? ஓய்வறையில் ஓபனாக பேசிய ஹர்திக்!
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
வாழ்க்கை ஒரு ரோலர் கோஸ்டர் மாதிரி.. இன்னைக்கு மட்டுமே நிஜம்.. கருத்து சொன்ன மீனா!
சென்னை :நடிகை மீனா தனது சிறிய வயதில் இருந்தே முன்னணி நடிகர்களுடன் இணைந்து நடித்து வருபவர்.
Recommended Video
இளம் நடிகையாக ஏராளமான ரசிகர்களை கவர்ந்த இவர், தற்போதும் முன்னணி நடிகர்களுடன் இணைந்து நடித்து வருகிறார்.
சமீபத்தில் இவரது கணவர் வித்யா சாகர் மரணமடைந்த நிலையில், இதுவரை மீண்டும் சூட்டிங்கில் பங்கேற்காமல் உள்ளார்.
என்னது ரூ.2 லட்சத்திற்கு ஃபிரிட்ஜா? இணையத்தை அதிர வைத்த பாண்டியன் ஸ்டோர்ஸ் மீனா
நடிகை மீனா
நடிகை மீனா அன்புள்ள ரஜினிகாந்த் உள்ளிட்ட படங்களில் சிறுமியாக நடித்தவர். இந்தப் படங்களிலேயே தன்னுடைய அழகான நடிப்பு மற்றும் சிரிப்பால் ஏராளமான ரசிகர்களை கவர்ந்தவர். அன்புள்ள ரஜினிகாந்த் படத்தில் மாற்றுத் திறனாளி சிறுமியாக நடித்து தன்னுடைய அழுத்தமான நடிப்பால் அனைவரையும் வியப்பில் ஆழ்த்தினார் மீனா.
நாயகியாக என்ட்ரி
தொடர்ந்து சில ஆண்டுகளில் மீண்டும் நாயகியாக என்ட்ரி கொடுத்தார் மீனா. என் ராசாவின் மனதிலே படத்தில் ராஜ்கிரணுக்கு ஜோடியாக நடித்திருந்தார். கரடுமுரடான ராஜ்கிரணுக்கு மனைவியாகும் மீனா, அவரை கண்டு பயப்படும் தருணங்களில் நிஜ கேரக்டராகவே மாறினார். சிறு வயதிலேயே நடிக்கத் துவங்கியதாலோவோ என்னவோ இவருக்கு இது முதல் படம் போலவே இருக்காது.
ரஜினியுடன் ஜோடி
இந்தப் படம் இவருக்கு சிறப்பான அறிமுகத்தை கொடுத்த நிலையில், எடுத்த எடுப்பிலேயே ரஜினியுடன் ஜோடி சேர்ந்தார். வைத்தீஸ்வரி என்ற கேரக்டரில் இவர் நடித்திருந்த நிலையில், இந்தக் கேரக்டரும் ரசிகர்களை வெகுவாக கவர்ந்தது. தொடர்ந்து சரத்குமார், கமல்ஹாசன் என முன்னணி ஹீரோக்களுடன் ஜோடி போட்டார்.
விஜய்யுடன் நடித்த நைனிகா
ஒரு கட்டத்தில் வித்யாசாகர் என்ற சாப்ட்வேர் இன்ஜினீயரை மணந்துக் கொண்டு செட்டில் ஆன மீனாவிற்கு நைனிகா என்ற மகளும் உள்ளார். புலிக்கு பிறந்தது பூனையாகாது என்பதை விஜய்யுடன் தெறி படத்தில் நடித்து நைனிகா நிரூபித்தார். வாழ்க்கை மிகவும் அழகானது என்று கடந்த ஆண்டு தன்னுடைய திருமண நாளில் பதிவிட்டிருந்தார் மீனா.
உயிரிழந்த வித்யாசாகர்
ஆனால் வாழ்க்கை ஒரு வட்டம் என்பதை இவருடைய வாழ்க்கையும் நிரூபித்தது. சமீபத்தில் இவரது கணவர் வித்யாசாகர் மல்ட்டி ஆர்கன் பெயிலியரால் பாதிக்கப்பட்டு உயிரிழந்தார். இவரது பிரிவு மீனாவை முடக்கியுள்ளது. ஆனால் சிறிது சிறிதாக வெளியில் வரத் துவங்கியுள்ளார் மீனா. சமூக வலைதளங்களில் பதிவுகளை போட்டு வருகிறார்.
கைக்கொடுக்கும் தோழிகள்
இவரது சக சினிமா தோழிகளும் இவருக்கு உறுதுணையாக இருந்து வருகின்றனர். சங்கவி, சங்கீதா உள்ளிட்ட சினிமா தோழிகள் சமீபத்தில் மீனாவை அவரது வீட்டில் சந்தித்து ஆறுதலாக இருந்தனர். இவர்களின் பொழுது அன்றைய தினம் சிறப்பாக அமைந்தது. மீனாவின் முகத்திலும் சிரிப்பை காண முடிந்தது.
மீண்டு வரும் மீனா
தொடர்ந்து நடிகை ராதிகாவின் பிறந்தநாள் கொண்டாட்டத்திற்கு வாழ்த்துக்களை பதிவு செய்த மீனா, அவரது வீட்டில் நடைபெற்ற பிறந்தநாள் கொண்டாட்டத்திலும் கலந்துக் கொண்டார். இவ்வாறு தன்னுடைய இழப்பிலிருந்து தன்னை சிறிது சிறிதாக மீட்டு வருகிறார்.
இன்ஸ்டாகிராமில் புதிய பதிவு
இந்நிலையில் இன்றைய தினம் தனது இன்ஸ்டாகிராம் பக்கத்தில் புதிய பதிவொன்றை போட்டுள்ளார். அதில் அவர் குழந்தை நட்சத்திரமாக, இளவயதாக, மிடில் ஏஜில் மற்றும் தற்போதைய நிலையில் என 4 பருவங்களாக புகைப்படங்களை பதிவிட்டுள்ள மீனா, வாழ்க்கை ஒரு ரோலர் கோஸ்டர் போன்றது என்றும் அதை வாழுமாறும் குறிப்பிட்டுள்ளார். இன்று மட்டுமே நிஜம் என்றும் தெரிவித்துள்ளார்.